ەۋرازيالىق توپ (ERG) قۇرامىنداعى 18 كاسىپورىندا وسىنداي اتاۋمەن ەرەكشە ايلىق وتكىزىلدى. 28 ءساۋىر – بۇكىلالەمدىك ەڭبەكتى قورعاۋ كۇنىنە ورايلاستىرىلعان اۋقىمدى شارا توپتىڭ 61 مىڭنان استام ەڭبەك ۇجىمىن تولىق قامتىدى. ERG وندىرىستەگى جۇمىسشىلاردىڭ قاۋىپسىزدىگى مەن دەنساۋلىعىنا ءاردايىم ەرەكشە كوڭىل اۋدارىپ، باستى نازاردا ۇستاپ كەلەدى.  

قاۋىپسىزدىك پەن ەڭبەكتى قورعاۋ ايلىعى اياسىندا ءبىر اي بويى ءار كاسىپورىندا قاۋىپسىزدىك تاقىرىبىن تۋ ەتكەن كۆن، ينتەللەكتۋالدى ويىندار مەن ءتۇرلى ۆيكتورينالار، بالالارعا ارنالعان سۋرەت سايىستارى سىندى الۋان شارالار وتكىزىلىپ، ءار سەح قىزمەتكەرلەرىن قامتىدى.

ەۋرازيالىق توپ (ERG) وسى اۋقىمدى شارالاردىڭ قورىتىندىسى شىعارىلعان ءساۋىردىڭ 28ء-ى كۇنى بۇقارالىق اقپارات قۇرالدارى وكىلدەرىن پاۆلودار قالاسىنداعى قۋاتتى ءۇش قۇرىلىمىنا شاقىرىپ، «ERG Service» اق فيليالى –  پاۆلودار ماشينا جاساۋ زاۋىتىنا، "قازاقستان ءاليۋمينييى" اق جانە "قازاقستان ەلەكتروليز زاۋىتى" كاسىپورىندارىنا ءباسپاسوز-تۋرى ۇيىمداستىرىلدى. ب ا ق وكىلدەرىنە وڭىردەگى ونەركاسىپتى ورگە سۇيرەگەن الپاۋىت زاۋىتتاردىڭ ەسىگى ايقارا اشىلىپ، جۋرناليستەر وندىرىستىك پروسەستەردى كورىپ، جاڭا تەحنولوگيالارمەن جاقىنىراق تانىستى.

جۋرناليستەرگە ەڭ الدىمەن ءوندىرىس وشاعىندا ءوزىن-وزى ۇستاۋ ەرەجەلەرى مەن قاۋىپسىزدىك ەرەجەلەرى ءتۇسىندىرىلىپ، جەكە قورعانىس قۇرالدارى: ارناۋلى كيىم، كاسكا مەن كوزىلدىرىك ۇسىنىلىپ، كاسىپورىن تۋرالى اقپارات بەرىلدى. بەلگىلى بولعانى تىلشىلەر ارالاعان ءاربىر كاسىپورىندا بيىل قولعا الىنعان تىڭ باستامالار مەن سول جولداعى العاشقى تابىستار بار. مىسالى، پاۆلودار ماشينا جاساۋ زاۋىتى قازاقستاندا العاش رەت 140 توننالىق كوپىرلى كران قۇراستىرىپ جاتىر. باستىسى وندىرىسكە قاجەتتى جابدىقتى وسىنداعى ماماندار تولىقتاي وزدەرى جوبالاپ، جوسپارلاپ، قۇراستىرۋعا كىرىسكەن. جازعا قاراي كران «قازحروم» ترانسۇلتتىق كومپانياسىنا جەتكىزىلمەك. زاۋىت بۇدان باسقا ءتۇرلى ماقساتتاعى كوپىرلى، ءتورت تاعاندى جۇككوتەرگىش جابدىقتار جاساۋمەن اينالىسادى. ءونىمىن سىرتقى نارىقتاردا دا ساۋدالاپ وتىرعان زاۋىتتا بيىل ءبىرشاما جاڭا جۇمىس ورىندارى اشىلعان.

– «ءبىز كاسىپورىن قىزمەتكەرلەرىنىڭ قاۋىپسىزدىگىن قامتاماسىز ەتۋ ءۇشىن، ەڭبەكتى قورعاۋ، قاۋىپسىزدىك تەحنيكاسىنىڭ تالاپتارىن قاتاڭ ساقتاۋعا قاتىستى  تۇراقتى جۇمىس جۇرگىزىپ تۇرامىز. بىلتىر كومپانيادا 346 ادام ەڭبەك ەتسە، بيىل جىل باسىنان بەرى قوسىمشا 58 جاڭا جۇمىس ورنى اشىلدى. تاپسىرىستار وسى قارقىنمەن مولايا تۇسسە، تاعى دا جاڭا جۇمىس ورىندارى اشىلادى. ەڭبەكاقىنى دا بيىل 19 مىڭ تەڭگەگە ءوسىرىپ، ورتاشا مولشەرىن 139 مىڭ تەڭگەگە جەتكىزدىك. وتكەن جىلى 1 ملرد. 258 ملن. تەڭگەنىڭ ءونىمىن وندىرسەك، بيىل ونى 4 ەسەلەپ، 5 ملرد. تەڭگەگە جەتكىزۋدى جوسپارلاپ وتىرمىز، – دەدى «ERG Service» اق فيليالى – پاۆلودار ماشينا جاساۋ زاۋىتىنىڭ ديرەكتورى لەونيد بەلوگريۆىي.

جۋرناليستەر كەلەسى نىسان «قازاقستان ءاليۋمينييى» اق-نىڭ زاۋىتىنا بارىپ، جاڭالىقتارىمەن تانىستى. مۇندا ەڭ ءبىرىنشى كوزگە تۇسكەن -  پەشتە اينالىپ تۇراتىن اليۋمينيي توتىعىنىڭ دايىندالۋ پروسەسى. ەرەكشە اسەر العان تىلشىلەر، ءوندىرىس ۋچاسكەسىندە ەستەلىك سۋرەتكە ءتۇستى. سونىمەن قاتار، كاسىپورىندا جاڭا ءونىم - مەتالل قۇيما قالىپتارى شىعارىلا باستاعانى حابارلاندى. بۇل اليۋمينيي دايىنداۋعا قاجەتتى ءونىم  بولىپ تابىلادى. جوبانى تولىعىمەن اليۋمينيي زاۋىتىنىڭ قىزمەتكەرلەرى ازىرلەدى.

 –  ءبىز بيىل قازاقستان ەلەكتروليز زاۋىتىنا قاجەتتى قۇيما قالىپتار شىعارا باستادىق. قالىپتاردىڭ ءبىر تەحنولوگياسىن بۇرىن قىتايدان الاتىنبىز. سونداي-اق فرانسيانىڭ تەحنولوگياسىن دا پايدالاناتىنبىز. ەندى 100 پايىز ءوزىمىز جاسايتىن دارەجەگە جەتتىك. بۇل ەندى وڭايعا سوققان جوق. توككەن تەرىمىز تەككە كەتپەدى. ەكى ءتۇرلى قالىپتاردى دايىنداپ وتىرمىز. تاپسىرىستاردى ۋاقىتىلى ورىنداۋعا تىرىسامىز. مىسالى، الداعى مامىر ايىنا 75 قالىپقا تاپسىرىس ءتۇستى. ماماندارىمىز جەتكىلىكتى. ساپاسى وتە جوعارى. شەتەلدەن كەلەتىن قالىپتاردان كەم ەمەس»، – دەيدى «قازاقستان اليۋمينيي» اق زاۋىتىنىڭ قۇيۋ ءوندىرىسىنىڭ اعا شەبەرى ءماجيت باتىرشا.

ساپاردىڭ سوڭعى نۇكتەسى قازاقستان ەلەكتروليز زاۋىتى بولدى. وندا اليۋمينيي زاۋىتىندا دايىندالعان قۇيما قالىپتارعا اليۋمينيي قۇيىلادى ەكەن. ءوندىرىس كولەمى جىلىنا – 250 مىڭ توننا.

قىزۋ جۇمىس قارقىنىنا قاراماستان، قازاقستان ەلەكتروليز زاۋىتىندا قاۋىپسىزدىك تەحنيكاسى ەشقاشان ۇمىت بولعان ەمەس.

– ءبىزدىڭ كاسىپورىندا قاۋىپسىزدىك پەن ەڭبەكتى قورعاۋ ماسەلەسى ءارقاشان ءبىرىنشى ورىندا، سەبەبى ەڭ ماڭىزدىسى – ادامنىڭ دەنساۋلىعى.  ءبىزدىڭ باسشىلىق وتباسىمىزعا امان-ساۋ بارۋىمىز ءۇشىن بار كۇش-جىگەرىن جۇمسايدى. مىسالى، مىنە بۇگىن عانا ەڭبەكتى قورعاۋ ايلىعى  اياقتالدى. ونىڭ قورىتىندىسىندا ءتۇرلى ءىس-شارالار ۇيىمداستىرىلۋدا. وعان بارلىق قۇرىلىمدىق بولىمشەلەردىڭ قىزمەتكەرلەرى قاتىسىپ جاتىر»، – دەدى قازاقستان ەلەكتروليز زاۋىتىنىڭ ليتەين ءوندىرۋ سەحىنىڭ باس تەحنولوگى سامات اۋتاليپوۆ.

قىزىققا تولى بۇل كۇننىڭ اياقتالار شاعىندا «قۇندىلىقتار قابىرعاسى» تابىستىرىلدى. بەينەتتىڭ تابىن كورگەن جۇمىسشى الاقانىنىڭ الىپ تاڭباسىنا ءاربىر قىزمەتكەر ءوزى ءۇشىن ەرەكشە قىمبات جانداردىڭ ەسىمدەرى جازىلعان شاعىن، ءتۇرلى-تۇستى الاقانداردى جابىستىردى. بۇل ولاردىڭ ءارقايسىسىن تاڭەرتەڭ جۇمىسقا شىعارىپ سالىپ، ۇيدە تاعاتسىزدانا توساتىن ەڭ جاقىن ادامدارى، ەت-جاقىن تۋىستارىنىڭ ايالى الاقانىنداي. وسىلايشا جۇمىسشىلار ەڭبەكتە الدىمەن وزىنە ەرەكشە قىمبات جاندار ءۇشىن قاۋىپسىزدىك ەرەجەلەرىن بەس ساۋساعىنداۋ ءبىلۋى كەرەك ەكەنىن وي ەلەگىنەن تاعى ءبىر مارتە وتكىزىپ، ساناعا مىقتاپ ءتۇيىپ الدى. بۇل يدەيانى ولار ەرەكشە قىزىعۋشىلىقپەن قابىلداپ، ءارقايسىسى ايالى الاقانعا جاقىندارىنىڭ اتىن جازىپ، قۇندىلىقتار قابىرعاسىنا ءىلدى.

EURASIAN RESOURCES GROUP تۋرالى انىقتاما

Eurasian Resources Group (ERG) ءوندىرۋ جانە بايىتۋ سالاسىنداعى تابيعي رەسۋرستارى بولا تۇرا، تولىعىمەن ينتەگراسيالانعان تاۋ-كەن ءوندىرۋ، وڭدەۋشى، ەنەرگەتيكالىق، كولىك جانە ماركەتينگتىك وپەراسيالارىن جۇزەگە اسىراتىن الەمدەگى ءارتاراپتاندىرىلعان جەتەكشى كومپانيالاردىڭ ءبىرى. بيزنەس جوبالاردى دامىتۋشى توپ قۇرلىقتاعى 14 ەلگە جۇمىس بەرۋشى ەڭ ءىرى كاسىپورىننىڭ ءبىرى بولىپ تابىلادى. Eurasian Resources Group (ERG) 2014 جىلى 20 جىلدىعىن تويلادى. كاسىپورىننىڭ باس كەڭسەسى ليۋكسەمبۋرگتە ورنالاسقان.

قازىرگى ۋاقىتتا ERG وندىرىسىندە فەرروحروم مازمۇنى بويىنشا، حروم جانە تەمىر كەنىن جەتكىزۋشىلەرىنىڭ الەمدىك كوشباسشى بولىپ تابىلادى. توپ، سونداي-اق، اليۋمينيي وندىرۋشىلەر مەن مىس جانە كوبالت جەتكىزۋشىلەردىڭ جەتەكشى وندىعىنا كىرەدى.

ERG — بۇل قازاقستان رەسپۋبليكاسىنداعى تاۋ-كەن مەتاللۋرگيا كەشەنىنىڭ ۇشتەن ءبىر بولىگى. سونداي-اق، ERG ورتالىق ازياداعى ەلەكتر ەنەرگياسىن جەتكىزۋشى مەن ءىرى تەمىر جول وپەراتورىنىڭ ءبىرى. قازاقستاندا كاسىپكەرلەر توبىنا "قازحروم" تۇك "سوكولوۆ-سارىباي كەن-بايىتۋ وندىرىستىك بىرلەستىگى" (سسكوب)، "قازاقستان ءاليۋمينييى"، "قازاقستان ەلەكتروليز زاۋىتى" (قەز)، ەۋرازيالىق ەنەرگەتيكالىق كورپوراسياسى" (ەەك)، "شۇباركول كومىر" جانە كولىك توبى "ترانسكوم" كىرەدى. قازاقستاندا ERG كاسىپورنىندا 61 مىڭنان استام ادام جۇمىس ىستەيدى.

كونگو دەموكراتيالىق رەسپۋبليكاسىندا ERG مىس جانە كوبالتتى Boss Mining، Frontier جانە Comide كەن كاسىپورىندارىندا وندىرەدى جانە وڭدەيدى. سونداي-اق، ءبىرقاتار باسقا دا جوبالاردى دامىتۋ، جاقىندا اياقتاۋ جۇمىستارى، سونىڭ ىشىندە جوبا Metalkol Roan Tailings Reclamation (RTR) وسى ەلدە ورنالاسقان.

ERG مىس بالقىتۋ زاۋىتى، Chambishi Metals PLC ءىرى مىس ءوندىرۋشى زامبياداعى جانە الەمدەگى جەتەكشى كاسىپورىن بولىپ تابىلادى. سونداي-اق، كومىر، مارگانەس، پلاتينا، بوكسيت جانە فليۋوريت شىعارۋدا ءتۇرلى ەلدەردە افريكا كونتينەنتىنىڭ قوسا العاندا، وڭتۇستىك افريكا رەسپۋبليكاسى، زيمبابۆە، مالي جانە موزامبيكتە جوبالارى بار كومپانيا.

برازيلياداعى ERG ءوندىرۋ كەشەنى، تەمىر كەنى، جىلىنا 20 ملن توننا قۋاتى دامىتۋدى Pedra de Ferro جوباسىندا جالعاستىرۋدا.