«قازاقستان ارۋ-2014» اتانعان رەگينا ۆاندىشيەۆا قازىرگى ەرلەردىڭ ومىرگە جەڭىل كوزقاراسپەن قارايتىنىن ايتىپ، جازبا جازدى.

رەگينا Instagram پاراقشاسىندا جازعان پوستىن شىنايى فيلوسوفيالىق ويلى جازبا دەپ باعالايدى.

«ەڭ باستىسى، ەركەكتىڭ ادالدىعى. ىشپەيتىن، شەكپەيتىن  بولسا، قىزدار جاقسى كورەدى جانە قۇرمەتتەيدى»، - دەيدى رەگينا ۆاندىشيەۆا.

ۆاندىشيەۆانىڭ سوزىنشە، ول ءوزى تۋرالى جاعىمسىز اڭگىمەلەردى ەستىگەن.

«مەن وزىمە قاتىستى كوپ جاعىمسىز اڭگىمەلەردى ەستيمىن. سىرتىمنان تىم جاسامپاز، ەركە، جەڭىلتەك دەپ ايتادى.  ادامدار سۋرەتكە قاراپ تا قورىتىندى شىعارىپ، وي ايتا بەرەدى. ولاي بولمايدى عوي. كوپ ءبىلىپ، از تالقىلاۋ كەرەك دەپ جاتادى ەمەس پە؟ مەن وزىمە 100% سەنىمدىمىن. ادالدىق پەن كىشىپەيىلدىلىك ادامدى، اسىرەسە قىز بالاسىن ادەمى كورسەتەدى»، - دەيدى ۆاندىشيەۆا.

ەكس-ارۋ ارى قاراي ءسوزىن قازىرگى ەركەكتەر تۋرالى اڭگىمەسىمەن جالعادى.

«ەركەكتەر تۋرالى... سىزدەر قالاي ءبىر قىزدان ەكىنشى قىزعا كەتەسىزدەر، ءوزىن جاقسى كورگەندى ۇناتاسىزدار... لاستىقتىڭ شەبەرىسىزدەر! ءوزىمشىل، ءوزىن عانا سۇيەتىن، وزىنە عانا سەنىمدى... سونىمەن قاتار، «بىزگە، ەركەكتەرگە ءبارى بولادى، ءبىز ءمىنسىزبىز» دەپ ويلايسىزدار»، - دەيدى رەگينا.

 «قالاي دەگەندە دە، ءبىزدىڭ اتا-اجەلەرىمىزدە باسقاشا ماحاببات، باعالى، شىنايى، تازا سەزىم بولدى. مۇندا، پيتەردە قارت ادامداردىڭ قول ۇستاسىپ سەرۋەندەگەنىن تاماشالاعان كەرەمەت. ولار ءومىر بويى بىر-بىرىنەن ەشقايدا كەتپەي، ءومىرىنىڭ سوڭىنا دەيىن بىرگە كەلە جاتىر...» دەپ قىزىعادى رەگينا.

وسى جازبادان كەيىن رەگينا ۆاندىشيەۆانىڭ وقىرماندارى قىزۋ پىكىرتالاستا بولدى. كەيبىرى ارۋدىڭ ايتقاندارىمەن كەلىسسە، ەندى بىرەۋلەرى ەرلەرگە جوعارى تالاپ قوياتىنىن ايتىپ جاتىر.

ال قازىرگى ەرلەرگە كوڭىلى تولمايتىن رەگينا جەكە باسىنا قاتىستى ەر ادامعا قوياتىن تالاپتارى تۋرالى ازىرگە ءتىس جارمادى.