«پاناما ءتىزىمى» تاعى ەكى قازاقستاندىقتى اشكەرە ەتتى، - دەپ حابارلايدى Qamshy.kz "كوممەرسانت-قا" سىلتەمە جاساپ.

حالىقارالىق زەرتتەۋشى جۋرناليستەر كونسورسيۋمى (ICIJ) دۇيسەنبى كۇنى جاريالاعان Mossack Fonseca وفشورلىق رەگيستراتور كليەنتتەرى تۋرالى مالىمەتتەر بازاسىندا ودان باسقا قازاقستانمەن بايلانىستى  تاعى ءتورت كومپانيا اتالادى.

مالىمەتتەر بازاسىندا «پانامالىق فايلدارداعى» 214000 وفشورلىق كومپانيا جايلى اقپاراتتار بار. ونداعى مالىمەتتەرگە سۇيەنسەك، ءتورت فيرمانىڭ (Air (Kazakhstan) Cargo Company Inc.، Trading house of Kazakhstan LTD،  South Kazakhstan Development Corporation LTD، CNOOC Kazakhstan Limited) قازاقستانعا قاتىسى بار. سونداي-اق، South Kazakhstan Development Corporation LTD  وفشورلىق كومپانياسىنىڭ يەلەرى ىشىندە قۋانىش جىلقىشييەۆ پەن ايسۇلۋ امرالينانىڭ ەسىمدەرى اتالادى.

ونداعى ماتەريالداردا سونىمەن قاتار، رەسەيدە 229 وفشورلىق كومپانيا يەلەرى، قىتايدا 9000، اقش-تا 4500، ۇلىبريتانيادا 920 وفشورلىق كومپانيا بار ەكەنى ايتىلادى.

ەستەرىڭىزگە سالساق، 3 ءساۋىر كۇنى دە ICIJ Mossack Fonseca وفشورلىق رەگيستراتور كليەنتتەرى مالىمەتتەر جاريالاعان بولاتىن. وندا الەم ەلدەرىنىڭ بۇرىنعى جانە قازىرگى 12 پرەزيدەنتىنىڭ، 50 شاقتى تانىمال تۇلعالار مەن 100-دەن استام ساياساتكەرلەردىڭ ەسىمدەرى اتالعان بولاتىن.