1993 جىلدان بەرى جۇزەگە اسىرىلىپ كەلە جاتقان «بولاشاق» حالىقارالىق ستيپەندياسىمەن ءبىلىم العانداردىڭ قاتارىندا بۇگىندە  بەلگىلى شەنەۋنىكتەر دە بار. باعدارلاما بويىنشا الەمنىڭ 33 ەلىندەگى 200 ۇزدىك جوعارى وقۋ ورنىندا وقۋ ءۇشىن وسى كۇنگە دەيىن 11 126 قازاقستاندىققا ستيپەنديا تاعايىندالعان. ولاردىڭ ءبىرقاتارى بۇگىندە ەلگە ورالىپ، ءتۇرلى سالادا قىزمەت ەتۋدە.

Qamshy.kz پورتالى «بولاشاق» باعدارلاماسىمەن وقىپ كەلگەن ءبىرقاتار شەنەۋنىكتىڭ ءتىزىمىن ۇسىنادى. 

قۋاندىق بيشيمبايەۆ

ۇلتتىق ەكونوميكا ءمينيسترى

1980 جىلعى 11 ساۋىردە قىزىلوردا قالاسىندا دۇنيەگە كەلگەن. اكادەميك، ەكونوميكا عىلىمدارىنىڭ كانديداتى. «بولاشاق» باعدارلاماسىنىڭ تۇلەگى (دج. ۆاشينگتون ۋنيۆەرسيتەتى، ۆاشينگتون، اقش، 2001 جىل). «بولاشاق» قاۋىمداستىعىنىڭ كەڭەسىنىڭ ءتوراعاسى.

باۋىرجان بايبەك

الماتى قالاسىنىڭ اكىمى

الماتى قالاسىندا 1974 جىلعى 19 ناۋرىزدا دۇنيەگە كەلگەن. ساياسي عىلىمداردىڭ كانديداتى. «قۇرمەت» مەملەكەتتىك وردەنىمەن ماراپاتتالعان. «بولاشاق» باعدارلاماسىنىڭ تۇلەگى (ليۋبەك قالاسىنىڭ جوعارى مەكتەبى، گەرمانيا، 1998 جىلى).

التاي كولگىنوۆ 

باتىس قازاقستان وبلىسىنىڭ اكىمى

1978 جىلى تۋىلعان. «بولاشاق» باعدارلاماسى بويىنشا ۇلىبريتانيانىڭ ابەردين ۋنيۆەرسيتەتىندە (حالىقارالىق كوممەرسيالىق قۇقىق) ءبىلىم العان.

عابيدوللا ءابدىراحىموۆ

شىمكەن قالاسىنىڭ اكىمى

وڭتۇستىك قازاقستان وبلىسىنىڭ كيروۆ اۋىلىندا 1975 جىلعى 23 قاڭتاردا دۇنيەگە كەلگەن. «بولاشاق» باعدارلاماسىنىڭ تۇلەگى (Universität Freiburg، گەرمانيا، 1998 جىلى). 

سەرىك ساپييەۆ

"استانا ارلانس" قازاقستان بوكس كلۋبىنىڭ باس ديرەكتورى

اباي قالاسىندا (قاراعاندى وبلىسى) 1983 جىلى 16 قاراشا كۇنى دۇنيەگە كەلگەن. وليمپيادا چەمپيونى (London، 2012)، بوكسشى، الەم چەمپيونى (2005 جانە 2007). «بولاشاق» باعدارلاماسىنىڭ تۇلەگى (برۋنەل ۋنيۆەرسيتەتى، ۇلىبريتانيا، 2014).

ەرلان اۋكەنوۆ

الماتى قالاسى اكىمىنىڭ ورىنباسارى

الماتىدا 1984 جىلعى 5 قىركۇيەكتە دۇنيەگە كەلگەن.  «بولاشاق» باعدارلاماسىنىڭ تۇلەگى (University of Bradford، ۇلىبريتانيا، 2007). سونداي-اق، «كورپوراتيۆتىك مەنەدجمەنت» ماماندىعى بويىنشا حالىقارالىق بيزنەس اكادەمياسىن اياقتاپ، مۆا دارەجەسىنە قول جەتكىزگەن. 

ماعجان اۋەزوۆ

قازاقستان قارجىگەرلەر قاۋىمداستىعى كەڭەسىنىڭ ءتوراعاسى

الماتى قالاسىندا 1975 جىلعى 28 قاراشادا دۇنيەگە كەلگەن. «بولاشاق» باعدارلاماسىنىڭ تۇلەگى (Georgetown University، اقش، 1996 جىلى).