ۇزاق جىل بويى كاملەتتىك جاسقا تولماعانداردى زورلادى دەپ ايىپ تياعىلعان، وسكەمەن قالاسىنداعى تەرگەۋ يزولياتورىندا قاماۋدا وتىرعان 44 جاستاعى سەمەيدەگى مەكتەپ-ينتەرناتتىڭ بۇرىنعى تاربيەشىسى كامەرادا ءولى كۇيىندە تابىلدى، - دەپ، - حابارلايدى Qamshy.kz Tengrinews.kz – كە سىلتەمە جاساپ.

الدىن الا بولجام بويىنشا كامەرادا اسۋلى كۇيىندە تابىلعان قىلمىسكەر وز-وزىنە قول جۇمساعان بولۋى مۇمكىن.

سەمەيدەگى №5 جەتىم بالالارعا ارنالعان مەكتەپ-ينتەرناتتىڭ تاربيەشىسى ءساۋىر ايىنىڭ سوڭىندا ايىپتى دەپ تانىلىپ، سوت 20 جىلعا قاتاڭ رەجيمدەگى كولونيادا جازاسىن وتەۋ تۋرالى ۇكىم شىعارعان بولاتىن. ۇكىم قىلمىسكەر اسىلىپ ولەردەن ءبىر كۇن بۇرىن زاڭدى كۇگىنە ەنگەن كورىنەدى.

تەرگەۋ كەزىندە ونىڭ 17 جىل بويى مەكتەپ-ينتەرناتتىڭ كاملەتتىك جاسقا تولماعان تاربيەلەنۋشىلەرىنە جىنىستىق زورلىق-زومبىلىق كورسەتىپ كەلگەنى دالەلدەندى.