ءماجىلىس دەپۋتاتتارى شەتەلدىك وفشورلارعا قاتىستى ويلارىن ءبىلدىردى، - دەپ، - حابارلايدى Qamshy.kz Tengrinews.kz – كە سىلتەمە جاساپ.

9 مامىر كۇنى حالىقارالىق زەرتتەۋشى جۋرناليستەر كونسورسيۋمى (ICIJ) Mossack Fonseca زاڭگەرلىك كومپانياسىنىڭ 200 مىڭنان استام كليەنتتەرى تۋرالى مالىمەتتەردى جاريالاعان بولاتىن. ول مالىمەتتەر ىشىندە قازاقستان ازاماتتارى مەن ولارعا تيەسىلى وفشورلىق كومپانيالار دا بار. قازاقستاندىق وفشور يەلەرى تۋرالى مالىمەتتەردى مىنا سىلتەمە ارقىلى وقي الاسىزدار.

ال، ءماجىلىس وتىرىسىندا «اق جول» فراكسياسىنىڭ دەپۋتاتى ازات پەرۋاشيەۆ وسى وفشور ماسەلەسىنە قاتىستى پرەمەر-مينيستر اتىنا دەپۋتاتتىق ساۋال جولدادى.

«ءبىزدىڭ پارتيا قازاقستاننان اقشانىڭ وفشورلىق زونالارعا كەتۋ ماسەلەسىنىڭ وزەكتىلىگىن 2012 جىلى 3 ساۋىردە، 25 قىركۇيەكتە، 2014 جىلى 15 قاڭتاردا، 2015 جىلى 13 مامىردا دەپۋتاتتىق ساۋال ەتىپ جولداعان. ال، 2014 جىلى 16 ساۋىردە ءبىز ۇكىمەتتەن قازاقستان ەكونوميكاسىن وفشورسىزداندىرۋ بويىنشا شارالار قابىلداۋدى ۇسىنعان ەدى»، - دەگەن ول مۇنداي وفشورلىق زونالارعا اقشا شىعارۋ ارقىلى مەملەكەت قازىناسىنان قارجى جىمقىرۋعا جول اشىلاتىنىن، سوندىقتان دا، وفشورعا قاتىسى بار كومپانيالارعا مەملەكەتتىك قولداۋ كورسەتۋدى، ولاردىڭ مەملەكەتتىك ساتىپ الۋلار كونكۋرسىنا قاتىسۋىن شەكتەۋدى ۇسىندى.

«ءبىز تاپقان پايداسىن وفشور ارقىلى سىرتقا شىعارىپ وتىرعان كومپانيالار مەملەكەتتىك باعدارلامالاردىڭ، سالىقتىق جەڭىلدىكتەردىڭ، مەملەكەتتىك سۋبسيديالاردىڭ قولداۋىن، باسقا دا جەڭىلدىكتەردى پايدالانباۋى كەرەك دەپ سانايمىز»، - دەيدى دەپۋتات.