قازاقستان رەسپۋبليكاسى   مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسى  تاۋەلسىزدىگىنىڭ 25 جىلدىعىنا وراي اعىمداعى جىلعى 20 مامىردا وسكەمەن قالاسىندا «تۇركى جازبالارى مەن مادەنيەتى كۇندەرىن» اتاپ وتەدى، - دەپ حابارلايدى Qamshy.kz.

ءىس-شارا اياسىندا «تۇركى جازبا مادەنيەتى: تاريحي تاعلىم جانە تاۋەلسىزدىك مۇراتتارى» تاقىرىبىنداعى رەسپۋبليكالىق عىلىمي-تەوريالىق كونفەرەنسيا، جازبا ەسكەرتكىشتەردىڭ گەوگرافيالىق، مازمۇندىق جانە داۋىرلىك مانىنە ارنالعان لەكتوريي،  تۇركى مادەنيەتى مەن ونەرىنە ارنالعان كونسەرت ۇيىمداستىرىلادى دەپ كۇتىلۋدە.

ءىس-شاراعا ەلىمىزدىڭ بارلىق ايماعىنان 30-دان استام تۇركولوگ-عالىمدار، قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ وكىلدەرى، وبلىستىق تىلدەردى دامىتۋ باسقارمالارىنىڭ ماماندارى، جەرگىلىكتى جەردىڭ زيالى قاۋىم وكىلدەرى، جاس زەرتتەۋشى عالىمدار، ب ا ق وكىلدەرى قاتىسادى.