قوستاناي وبلىسىنىڭ پروكۋرورى قىزمەتتىك كولىكپەن فيتنەس-كلۋبقا باراتىنى تۋرالى ۆيدەو جاريالاندى، - دەپ حابارلايدى Qamshy.kz tengrinews.kz – كە سىلتەمە جاساپ.

سايتتىڭ جازۋىنشا وبلىس پروكۋرورى مارات قايىپجانوۆتىڭ قىزمەتتىك كولىكپەن فيتنەس-كلۋبقا باراتىنى، ال، ونىڭ ورىنباسارى بولات چەليكەنوۆتىڭ قىزمەتتىك كولىگى مەكتەپتەن بالا تاسيتىنى تۇسىرىلگەن ۆيدەو Youتube جەلىسىندە جاريالانعان. ەكى ۆيدەوداعى وقيعا دا جۇمىس ۋاقىتىندا تۇسىرىلگەن.

وبلىستىق پروكۋراتۋرا وسى ماسەلەگە وراي تۇسىنىك بەرىپ، وندا پروكۋروردىڭ قىزمەتتىك كولىكپەن فيتنەس-كلۋبقا باراتىنىندا ەشقانداي زاڭ بۇزۋشىلىق جوق ەكەنى ايتىلعان. اپپارات جەتەكشىسى اسحات يبرايەۆ دايىنداعان جاۋاپ حاتتا «پروكۋراتۋرا ورگنادارىنىڭ ءبىرىڭعاي قۇقىققورعاۋ ورگاندارى جۇيەسىنە ەنەتىنى جانە ونىڭ قىزمەتكەرلەرى ۇدايى دەنە دايىندىعىمەن اينالىسۋ كەرەكتىگى، سول ءۇشىن دە وبلىستىق پروكۋراتۋرا باسشىسى قىزمەتتىك رەگلامەنتتە كورسەتىلگەن ۋاقىتتا سپورتپەن شۇعىلداناتىنى، ال، سپورت ورتالىعىنا ءوز قالتاسىنان قارجى تولەيتىنى» جازىلعان.

ال، ەكىنشى ۆيدەو كەيىپكەرى م. چەليكەنوۆكە قاتىستى جاۋاپ حاتتا ونىڭ ەڭبەك دەمالىسىن رەسەي فەدەراسياسى اۋماعىندا وتكىزىپ جاتۋىنا بايلانىستى ەشتەڭە ايتىلماعان.