9-10 مامىردا قاستەرلەنگەن وتان سوعىسىنىڭ ارداگەرلەرىنىڭ سۋرەتتەرى ەندى ورتالىق الاڭدا، اكىمدىكتىڭ الدىندا، گۇلزارلار مەن ساكىلەردە قالىپ قويدى، - دەپ حابارلايدى Qamshy.kz .

«ولمەس پولك» شەرۋىن مىڭداعان قوستانايلىقتار قولداعان.  جاسوسپىرىمدەر ارداگەر اتالارىنىڭ سۋرەتتەرىن ماقتانىشپەن ۇستاپ شىعىپ، اندەر شىرقادى. اكسياعا ستۋدەنتتەر مەن وقۋشىلار كوپتەپ تارتىلعان.  قۇتتىتاۋ اكسياسىنا شىققان جۇرت سوڭىندا پورترتتەردى دالاعا تاستاپ كەتتى، - دەپ جازادى «ءبىزدىڭ قوستاناي»  گازەتى.

مەرەكە كۇندەرىنەن كەيىن تىلشىلەر كوشەدە قالعان پورترەتتەردى بايقادى. ءتىپتى ەكى پورترەت  وبلىستىق اكىمدىك الدىنداعى الاڭدا تۇر، سونداي-اق ءبىرشاما سۋرەتەر «جەڭىس» ساياباعىنىڭ ەستەلىك تاقتاسىندا قالعان.  بىرنەشە فوتوسۋرەتتەردى شوپكە تاستاپ كەتكەن.

ەستەرىڭىزگە سالا كەتەيىك،  وڭتۇستىك استانانىڭ تۇرعىندارى دا جەڭىس ءۇشىن  سوعىسقان ارداگەرلەردىڭ فوتوسىن ءبىر قولعا، ەكىنشى قولعا جاۋىننان قورعانعان قولشاتىر ۇستاعان جۇرتشىلىق «الاقايلاپ»، «ولمەس پولك» شەرۋىن وتكىزگەن.

ال شىمكەنتتە سەبەپسىز شەرۋ وتكىزۋگە تيىم سالىنعان، دەگەنىمەن ءىس-شارا وتكىزۋگە رۇقسات بەرىلدى.

سونداي-اق، «ولمەس  پولك» شەرۋى بەرليندە، نيۋ-يورك پەن پەكيندە دە ءوتتى. بۇل جىلى شەرۋگە اقش، كانادا، گەرمانيا، فرانسيا، ۇلىبريتانيا، يسپانيا، شۆەيساريا سياقتى كوپتەگەن ەلدەردىڭ ازاماتتارى قوسىلدى.

وسى جىلى «ولمەس پولك» شەرۋى الەمنىڭ كوپتەگەن ەلدەرىندە ءبىرىنشى رەت ءوتتى.ەكىنشى دۇنيەجۇزىلىك سوعىس كەزىندە قازا بولعانداردى ەسكە الىپ، مارش ۇيىمداستىرىلدى.  قاتىسۋعا نيەت بىلدىرگەن ءار ادام ۇلتىنا، ءدىني سەنىمى مەن ساياسي كوزقاراسىنا قاراماستان شەرۋگە اتسالىستى.