جول بەلگىلەرىن قاتە ءتۇسىندىرىپ، عالامتوردا كۇلكى بولعان شىمكەنتتىك جول پوليسياسىنىڭ قىزمەتكەرى قىزمەتىنەن كەتتى، - دەپ حابارلايدى Qamshy.kz.
پوليسيا اعا سەرجانتى ارنايى شەنىندەگى پوليسەي شىمكەنت قالاسىنداعى سازبۋحايەۆ كوشەسىندە جۇرگىزۋشىلەردى توقتاتىپ، جوق جول بەلگىسىن ەلەمەدىڭ دەپ ايىپتاعان. پوليسەيدىڭ بۇل ارەكەتىنە نارازى بولعان جۇرگىزۋشىلەردىڭ ءبىرى پوليسيا قىزمەتكەرىمەن بولعان كيكىلجىڭدى ۆيدەوعا ءتۇسىرىپ جەلىگە جۇكتەگەن بولاتىن. وسى وقيعادان سوڭ پوليسەي قىزمەتتەن كەتۋ تۋرالى بايانات جازعان.
«ءقازىر سول كۇنى اتالعان ۋچاسكەدە قىزمەت اتقارعان باسقا دا قىزمەتكەرلەرگە قاتىستى تەكسەرۋ ءجۇرىپ جاتىر. ونىڭ بارىسىندا پوليسيا قىزمەتكەرلەرىنىڭ سازبۇقايەۆ كوشەسىندە قىزمەت اتقارۋىنىڭ زاڭدىلىعى انىقتالاتىن بولادى»، - دەلىنگەن شىمكەنت قالالىق جەرگىلىكتى پوليسيا قىزمەتىنىڭ باستىعى دانيار مەيىرحان تاراتقان حابارلامادا.
