برازيليا پرەزيدەنتى ديلما رۋسەفتى سەنات دەپۋتاتتارى قىزمەتىنەن شەتتەتتى، - دەپ حابارلايدى Qamshy.kz.
سەنات مۇشەلەرى پرەزيدەنتكە سەنىمسىزدىك ءبىلدىرۋ پروسەسىن باستاۋدى قولداپ داۋىس بەرگەن. ەندى ديلما رۋسەف يمپيچمەنت اياقتالعانشا، ياعني جارتى جىل مەرزىمگە قىزمەتىنەن شەتتەتىلدى.
يمپيچمەنتتى برازيليالىق وپپوزيسيا تالاپ ەتكەن بولاتىن. ساياسي كۇشتەر ەل پرەزيدەنتىن سايلاۋ كامپانياسى كەزىندە بيۋدجەت قاراجاتىن جۇمساۋ مەن سالىق زاڭنامالارىنا قاتىستى زاڭ بۇزدى دەپ ايىپتاپ وتىر.
يمپيچمەنت يدەياسىنا سەنات دەپۋتاتتارىنىڭ 22ء-سى قارسى شىقسا، پرەزيدەنتكە سەنىمسىزدىك ءبىلدىرۋدى 55 سەناتور قولداعان. ەل ىشىندە دە وسىعان بايلانىستى ءتۇرلى نارازىلىق اكسيالارى ءوتىپ، پوليسيا دەمونسترانتتارعا كوزدەن جاس اعىزاتىن گاز قولدانعان. اقپارات قۇرالدارى ديلما رۋسەف داۋىس بەرۋ اياقتالعانىن كۇتپەي پرەزيدەنت سارايىنان دۇنيە-مۇلكىن تاسىپ جاتقانىن جازۋدا.
