وڭتۇستىك قازاقستان وبلىسىندا "حالىقتار دوستاستىعى" ۋنيۆەرسيتەتىنىڭ 17 جاستاعى ستۋدەنتى ايگەرىم وسپانبەكوۆا جوعالىپ كەتتى، ول 10 مامىردا سارىاعاش اۋدانىنداعى جاڭاتۇرمىس اۋىلىنان شىمكەنتكە قاراي جولعا شىعىپ، قايتىپ ورالماعان، - دەپ حابارلايدى "وتىرار".

ايگەرىمنىڭ اعاسىنىڭ ايتۋىنشا، ستۋدەنت قىز جولدا جاتاقحانادا بىرگە تۇراتىن كورشىسىنە SMS-حابارلاما جازىپ، شىمكەنتكە كىرەبەرىستەگى "كولوس" جەر استى وتكەلىندە كۇتىپ الۋىن ءوتىنىپ، جۇرگىزۋشىدەن قاتتى قورقىپ كەلە جاتقانىن بىلدىرەدى.

سودان بەرى ايگەرىم ۇيىنە دە، ۋنيۆەرسيتەتكە دە كەلمەگەن.

ايگەرىم وسپانبەكوۆانىڭ بەلگىلەرى: بويى - 160-165 سانتيمەتر، ورتاشا دەنەلى، شاشى ۇزىن، قوڭىر. كوزدەرى قىسىڭقى، قارا. قۇلاعىندا رومبى پىشىندەس سىرعاسى بولعان. ەرەكشە بەلگىلەرى جوق. ۇستىنە قىزىل فۋتبولكا (كەۋدەسىندە اق ءتۇستى جۇرەك سۋرەتى بار)، قوڭىر دجينسى، اياعىنا قارا كەدى كيگەن. وزىمەن بىرگە قول سومكەسى مەن جول سومكەسى بار.