بۇگىن «EXPO -2017» ءىسى بويىنشا ءوتىپ جاتقان سوتتا «استانا EXPO -2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ ءسوز الدى، - دەپ حابارلايدى Qamshy.kz.
باستى ايىپتالۋشى سوت وتىرىسى بارىسىندا ءوز كومانداسىنىڭ استانا كورمەسىن EXPO تاريحىنداعى ەڭ ۇزدىك كورمە ەتۋدى جوسپارلاعاندارىن ايتقان.
«ءبىز، قۇرامىندا باس حاتشى لوسسەرتالەس، حۋان كورەراس، حالىقارالىق كەڭەسشىلەر بار كوميسسيا EXPO-2017 كورمەسىن تاقىرىپتى اشۋ، كورمە وتكەننەن كەيىنگى قولدانۋ، تۋريستەر تارتۋ، قاتىسۋشىلار قاتارىن ارتتىرۋ بويىنشا مامانداندىرىلعان كورمەلەر تاريحىنداعى ۇزدىك كورمە ەتۋدى جوسپارلادىق. ول كەزدە ەشكىم كورمەنى قالاي ۇيىمداستىرۋ كەرەكتىگىن ناقتى بىلمەدى. ونى ءبىز تەك ءساتتى وتەتىن ءىس-شارا دەپ قانا ەمەس، وتكەننەن كەيىن دە ءوزىن اقتايتىنداي ەتىپ ويلاستىردىق»، - دەدى ت. ەرمەگيايەۆ حالىقارالىق كورمەگە دايىندىقتىڭ العاشقى كەزەڭى تۋرالى.
«ءقازىر ءبىر قاراعاندا بايقالمايتىن ماسەلەلەر بار. قاجەتتى بايلانىستار مەن سىرتتاعى كاسىبي مامانداردىڭ كومەگىنسىز بارلىعىن اتقارۋ مۇمكىن ەمەس»، - دەپ مالىمدەدى باس ايىپتالۋشى.
ەستەرىڭىزگە سالساق، استانا قالاسىنىڭ قىلمىستىق ىستەر بويىنشا مامانداندىرىلعان سوتى ءبىر ايدان ارتىق ۋاقىت بويى «استانا EXPO-2017» ۇلتتىق كومپانياسى باسشىلارى مەن ءبىرقاتار لاۋازىمدى تۇلعاعا قاتىستى قىلمىستىق ءىستى قاراپ جاتىر. سوتتا 23 ادامعا ايىپ تاعىلىپ، ونىڭ 14ء-ى بۇگىندە ءوز كىنالارىن مويىنداعان.
