قاراقالپاقستاننىڭ نۇكىس اۋدانىندا قولما-قول اقشانىڭ جوقتىعى سالدارىنان مۇعالىمدەرگە ايلىقتىڭ ورنىنا بالاپاندار بەرىپ جاتىر دەپ جازادى ورتالىق ازيا جاڭالىقتار قىزمەتى.
سوڭعى ەكى جىلدان بەرى وزبەكستاندا قولما-قول اقشانىڭ تاپشىلىعى بايقالادى. ادامدار بىرنەشە اي بويى ەڭبەك اقىلارى مەن زەينەت اقىلارىن الا الماي كەلەدى.
الدىن ەلدىڭ اقپارات قۇرالدارى وزبەكستاندا ايلىقتىڭ ورنىنا قىمبات باعامەن شامدار جانە اۋىل شارۋاشىلىعى تاۋارلارىن بەرگەنىن جازعان.
اتاپ ايتقاندا، ۇستىمىزدەگى جىلدىڭ اقپان ايىندا "وزبەكەنەرگو" باسقارماسىنىڭ باسشىسى يسكاندەر باسيدوۆ 66 مىڭ 579 قىزمەتكەرىنە اي سايىن قىمبات باعامەن كومپانيانىڭ وندىرەتىن LED شامدارىن ساتىپ الۋدى مىندەتتەگەن.
