استانادا ءوتىپ جاتقان سوت بارىسىندا «استانا EXPO-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ وسىلاي مالىمدەدى، - دەپ حابارلايدى Qamshy.kz.

سوت وتىرىسىندا ءسوز العان ول وزىنە تاعىلعان ايىپتارمەن كەلىسپەيتىنىن مالىمدەدى.

«ماعان ونىڭ ۇلىنا تيەسىلى كومپانيا قىزمەتى ءۇشىن يبادليلدينوۆادان پارا الدى دەگەن ايىپ تاعىلۋدا. بۇل ايىپتار مىنا سەبەپتەرگە بايلانىستى نەگىزسىز. بىرىنشىدەن، مەن يباديلدينوۆادان ءبىر تيىن دا اقشا العان جوقپىن. ىستە مەنىڭ اقشا العانىما ەش دالەل جوق. تەك، قىلمىستىق جاۋاپكەرشىلىككە تارتىلماۋ ءۇشىن جانە ۇلىن جاۋاپكەرشىلىكتەن الىپ قاشۋ ماقساتىندا تەرگەۋ ورگانىمەن ارىپتەستىك ورناتقان يباديلدينوۆانىڭ سوزدەى عانا نەگىزگە الىنۋدا. ول ەكەۋىنە قاتىستى قۇقىقبۇزۋشىلىقتار ىستە تولىق دالەل تاپقان»، - دەيدى ت. ەرمەگيايەۆ.

سوت ۇستىندە ول باسقا دا تۇلعالاردان ەشقانداي اقشا الماعانىن مالىمدەدى.

«تۋماتايەۆتان دا سولاي. مەن ەشقانداي اقشا المادىم. يباديلدينوۆا ماعان اقشا بەرىپ جىبەردى دەلىنگەن تۇلعالاردىڭ ەشقايسىسى انىقتالمادى جانە تەرگەلمەدى. ول ادامداردى اتاپ بەرە دە المادى. تەرگەۋ كەزىندە ول (ايىپتالۋشى يباديلدينوۆا – رەد.) ءوز ءسوزىن توعىز رەت وزگەرتتى. مەن وسى ەپيزود بويىنشا ماعان تاڭىلىپ جاتقان ارەكەتتەردى ىستەمەدىم. مەن – كىناسىزبىن! كىنام دالەلدەنبەدى. مەنىڭ جوعارىدا ايتقاندارىمدى پروكۋراتۋرا دا جوققا شىعارعان جوق»، - دەيدى ۇلتتىق كومپانيانىڭ بۇرىنعى باسشىسى.