ەلىمىزدە 2 جىلدان سوڭ بارلىق جاردەماقىلار الىنىپ تاستالادى، - دەپ حابارلايدى Qamshy.kz كتك ارناسىنا سىلتەمە جاساپ.

ويتكەنى، ونىڭ ورنىن جاڭادان ەنگىزىلەتىن الەۋمەتتىك تولەمدەر الماستىرماقشى. «ورلەۋ» جوباسىن تانىستىرعان دەنساۋلىق ساقتاۋ مينيسترلىگى بۇل تۇرعىنداردى «كەدەيشىلىكتەن قۇتقارادى» دەپ سەندىرىپ وتىر.

شەنەۋنىكتەردىڭ سوزىنشە، بۇل اي سايىن تولەنەتىن جاردەماقى ەكەن. تەك، جوق-جىتىك وتباسىلار، كوپ بالالى انالار مەن مۇگەدەكتەردى بۇرىنعىداي ءبولىپ جارماي بارلىعىنا بىردەي اي سايىن قايتارىمسىز اقشا تولەيدى. ونىڭ كولەمى ءار وبلىستىڭ ەكونوميكالىق جاعدايىنا بايلانىستى. دەسەك تە، ۇلەستىرلەتىن تەڭگە شامامەن 13 مىڭنىڭ اينالاسىندا بولماق. ءارى الەۋمەتتىك ءالسىز توپتاردان بولەك، اياق-قولى ساۋ ازاماتتارعا دا جاردەماقى الۋعا مۇمكىندىك بار. تەك، شارت بويىنشا ولاردىڭ وتباسىلىق تابىسى راسىندا تومەن بولۋى ءتيىس. سوندا عانا كومەك كورسەتىلىپ، ءتىپتى، مەملەكەت جۇمىس تاۋىپ بەرۋگە دە دايىن. ءبىراق، ازامات سول ۇسىنىلعان جۇمىسقا تۇرۋى كەرەك. ايتپەسە، جاردەماقىدان قاعىلادى.

-«ورلەۋ» جوباسى ءقازىر بارلىق وبلىستاردا سىناق رەتىندە جۇرگىزىلىپ جاتىر. ول ءۇشىن بيۋدجەتتەن 1 جارىم ميلليارد بولىنگەن.بيىلدىققا 13 مىڭعا جۋىق ادامعا كومەك كورسەتىلدى، - دەيدى ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى سۆەتلانا جاكۋپوۆا