استانادا ءوتىپ جاتقان جەر كوميسسياسىنىڭ العاشقى وتىرىسىندا اقىن مۇحتار شاحانوۆ جەردى شەتەلگە جالعا بەرۋدى دە توقتاتۋ كەرەك دەگەن مالىمدەمە جاسادى، - دەپ حابارلايدى Qamshy.kz.

اقىن جەر ماسەلەسىنىڭ بۇگىن وتە قاتتى ۋشىعىپ وتىرعانىن باسا ايتتى.

«ءقازىر حالىقتىڭ جاعدايى ناشار، وسىنى ەسكەرۋ كەرەك. جەر ساتىلمايدى دەپ ءسوز بەرگەن دەپۋتاتتار كەزىندە. ءبىراق ساتىلىپ جاتىر. ال، بۇگىنگى نارازىلىق ەلدىڭ مۇددەسى ءۇشىن بولىپ جاتىر. ەشكىم اتاق ءۇشىن جۇرگەن جوق. مەن ەلۋ ەلدىڭ ناگراداسىن العان اداممىن. ونىڭ بارلىعىن تاقسام، شالبارىمدا دا ورىن قالماۋى مۇمكىن. ماعان ەشقانداي اتاق-ابىروي كەرەك ەمەس. جەر – انامىزدىڭ اناسى، بابامىزدىڭ باباسى. جەردەن ايرىلساق، ەشتەڭەمىز قالمايدى. سول ءۇشىن جەردى شەتەلگە ساتقاندى دا، جالعا بەرگەندى دە توقتاتۋ كەرەك. مەن دەپۋتات بوپ جۇرگەندە كوپ جەر ارابتارعا بەرىلىپ كەتتى. سونىڭ بارلىعىن شەشىپ، كۇن تارتىبىنە قويۋ كەرەكپىز. جەردى جالعا بەرسەك، تەك ءوز ازاماتتارىمىزعا بەرۋ كەرەكپىز. ءبىز بۇعان تۇگەلدەي قارسىمىز»، - دەدى مۇحتار شاحانوۆ.

اقىن ءوز سوزىندە سونداي-اق بۇگىندە بەلسەندى تۇردە كوتەرىلىپ جاتقان ءۇش تۇعىرلى ءتىل باستاماسىنا دا نارازىلىق ءبىلدىردى.