جەر كوميسسيانىڭ وتىرىسىنندا ءماجىلىس دەپۋتاتى، ۇلت جاناشىرى بەكبولات تىلەۋحان مىرزا دا ءسوز الىپ، ماڭىزدى ماسەلەگە قاتىستى پىكىرىن ءبىلدىردى، ، - دەپ حابارلايدى Qamshy.kz.
«بۇل حالىقتىق رەزونانس تۋعىزدى. (...) ۇلكەن ساياسي ماسەلە ەكەنىن دە ءبىلىپ وتىرمىز.
ءبىراق، مىنانى ەسكەرۋ كەرەك، جەر دەگەندە ەلەڭ ەتپەيتىن قازاق جوق. (...) قازاق وسى جەردە ۇلتتىق ساناسىن، تەكتىلىگىن كورسەتتى. الايدا، وسى ميتينگتەر كەزىندە حالىق جالعان اقپاراتتارعا دا سەنىپ قالدى. بىردەن، جەر ساتىلادى دەگەن اقپارات تارادى. جەر ساتىلمايدى. جالعا بەرۋ تۋرالى اڭگىمە كوتەرىلدى. (...) جاسىراتىنى جوق، ءوزىمىز دە تۇسىندىرە المادىق»، - دەيدى بەكبولات تىلەۋحان مىرزا جەرگە قاتىستى داۋ-دامايلار تۋرالى ويىن ءبىلدىرىپ.
دەپۋتات جەرگە قاتىستى پىكىر بىلدىرۋشىلەردىڭ دەنى ەموسياعا كوپ بەرىلىپ جاتاتىنىن دا باسا ايتتى.
«جەر – انا، انانى جالعا بەرمەيمىن» دەگەن ءسوز شىقتى. (...) وندا جەردىڭ ۇستىنە دارەت سىندىرىپ جۇرگەنىمىز قالاي؟ جەرىم دەپ ايقايلاي بەرمەيىك، ەلدىڭ شاڭىراعىن شايقاپ المايىق. تۇيتكىلدى ماسەلە كوپ. سونى شەشۋ ءۇشىن جينالىپ وتىرمىز. حالىق شىققاسىن، مينيسترلەر جينالىپ وتىر دەگەن دە نامىسقا تيەتىن ءجايت»، - دەگەن دەپۋتات حالىقتىڭ وسى ماسەلەگە قاتىستى پىكىر ايتقاندارعا قاتىستى دا ءتۇرلى رەاكسيا بەرىپ جاتقانىنا نازار اۋدارتتى.
«بۇرىن «وتىرسا - وپاق، تۇرسا - سوپاق» دەگەن ءسوزدىڭ ءمانىن تۇسىنە المايتىنمىن. قاراپ وتىرساق، ءقازىر وسى جەر ماسەلەسىنە پىكىر بىلدىرگەندە، ءبارىمىز وتىرساق وپاق، تۇرساق سوپاق بولىپ وتىرمىز، - دەدى دەپۋتات.
