Yvision.kz-تە مەملەكەت باسشىسىنان باستاپ، پرەمەر-مينيستر، باس پروكۋرور، دەپۋتاتتار مەن حالىقارالىق ۇيىمداردىڭ اتىنا باعىتتالعان حات جاريالاندى، - دەپ حابارلايدى Qamshy.kz

جەزوكشەلەردىڭ اتىنان جازىلعان حاتقا 597 ءتانىن ساۋدالاۋشى قول قويىپ، لاۋازىمدى تۇلعالاردان وزدەرىنىڭ جاعدايىنا بايلانىستى كومەك كورسەتۋدى سۇرعان. 

حات جازعان تاراپ قازىرگى داعدارىس زامانىندا وزدەرىنە دە وڭايشىلىقپەن كۇنكورۋ مۇمكىن بولماي وتىرعانىن العا تارتادى. «بىزگە قاراي تاس لاقتىرا بەرەتىن داۋرەن ءوتتى. ءبىز دە مۇناي باعاسىنىنىڭ قۇلاعانىن سىزدەر سەكىلدى جاقسى بىلەمىز. اقىلى جىنىستىق قىزمەت كورسەتۋدىڭ نارىعى السىرەدى. كليەنتتەرىمىزدىڭ جاعدايى جاقسى ەمەس»، دەپ مۇڭ شاعادى. 

ولاردىڭ حاتتارىندا وزدەرىنىڭ قۇقىقتارى قورعالماي وتىرعاندىعىن، ودان باسقا جەڭگەتايلار ساۋنا، ءقوناقۇي، سۇلۋلىق سالوندارىنىڭ يەلەرى جانە پوليسيامەن بىرگە قويىلعان باعاسى تىم قىمباتقا تۇسەتىندىگىن دە تيەك ەتكەن. «ءبىز ەڭبەك كودەكسىن ءقازىر قايتا قارايتىن ءسات كەلدى دەپ سانايمىز. سوعان قاراماستان ول تاقىرىپ ازىرگە جابىق كۇيىندە» دەپ شاعىم بىلدىرگەن. 

597 ادام قول قويىپ، ءۇش بۋ حات قىلىپ جولداعاندار شەتەلدە جاسالعان جاعدايدى مىسالعا كەلتىرەدى. ءتىپتى، ءارىسى وزبەكستان مەن قىرعىزستاننان كەلگەن قىزداردىڭ ءوزارا باسەكەلەستىك تۋدىرىپ جاتقانىن اتاۋسىز قالدىرماعان.