جەر رەفورماسى جونىندەگى كوميسسيا ءتوراعاسى باقىتجان ساعىنتايەۆ كوميسسيانىڭ العاشقى وتىرىسىنان سوڭ وسىلاي دەپ مالىمدەدى. ونىڭ ايتۋىنشا كومسسيادا نەگىزگى ءتورت بلوك بويىنشا جۇمىس توبى قۇرىلىپ، مۇشەلەر اراسىنان توپ جەتەكشىلەرى سايلاناتىن بولادى.
«كەلەسى جولى ءبىزدىڭ جۇمىسىمىز ناقتىلىققا كوشەدى. جەردى قازاقستان ازاماتتارىنا ساتۋ ماسەلەسىن قارايتىن بولامىز. ءار سەنبى سايىن ءوز جۇمىسىمى اياقتالعانشا ساعات 10.00-دە جينالامىز. شامامەن 5-6 وتىرىستان سوڭ نەگىزگى بلوكتاعى ماسەلەلەردى شەشكەن سوڭ ايماقتارعا شىعىپ، وندا جەر ماسەلەسىن قوعامدىق كەڭەستەر اياسىندا تالقىلايتىن بولامىز. بۇگىن ءبىز ءوز ماقساتتارىمىزعا جەتتىك دەپ ويلايمىن. بارلىعى ءوز ويلارىن ايتتى. بارلىعى بىرگە جۇمىس ىستەۋگە كەلىسىپ وتىر»، - دەدى ب. ساعىنتايەۆ.
