قىتايدىڭ ءسانشي كۇندەلىكتى گازەتى 9 مامىر كۇنگى سانىندا ءسانشي استىق كورپوراسياسى قازاقستاننىڭ 3000 گەكتار جەرىنە بيداي ەگەتىنىن حابارلادى. بۇل تۋرالى Qamshy.kz جازادى.

سونداي-اق، "جوسپار بويىنشا جۇڭگو تاراپى ماۋسىم ايىندا قازاقستاننان 2500 توننا ۇن ساتىپ الۋدى كوزدەپ وتىر"، - دەپ جازادى باسىلىم. 

قىتايلىق باسىلىمنىڭ حابارلاۋىنشا، ءسانشي ولكەسىنىڭ استىق كومپانياسى قازاقستان جەرىنە زەرتتەۋ جۇرگىزىپ، ءبىرقاتار ءوندىرىس ورىندارىنىڭ جۇمىسىمەن تانىسقان. اتاپ ايتقاندا، قازاقستاننىڭ «بايسەركە» ماي شىعاراتىن كومپانياسى، «التىن ديىرمەن» جانە «ازيا Food» كومپانيالارىنىڭ ونىمدەرىن قىتايعا ەكسپورتتاۋ جانە قازاقستاننىڭ اۋىلشارۋاشىلىعىنا ينۆەستيسيا قۇيۋ جونىندە كەلىسىم جاسالعان. باسىلىم ەكى ەل اراسىنداعى ەكسپورت-يمپورت جونىندە ءالى دە ءبىرقاتار كەلىسسوزدەر ءجۇرىپ جاتقانىن جازادى. 

باسىلىم بۇل كەلىسىمدەردىڭ جۇڭگو ۇكىمەتىنىڭ جانە ءسانشي ولكەسىنىڭ ەكونوميكالىق جوسپارىنا ساي كەلەتىنىنە نازار اۋدارتقان.