«دەپۋتاتتىڭ بالاسى جاۋاپقا تارتىلمايدى دەگەن قازاقستاندا زاڭ بار ما؟!» ءدال وسىلاي دەپ الماتى وبلىسىنىڭ تۇرعىنى ماقسات قوشماعانبەتوۆ شاعىمدانىپ وتىر. ايتۋىنشا، قاپشاعاي قالاسىنىڭ ءماسليحات دەپۋتاتى سەرىكباي نۇرجانوۆ ۇلىنىڭ جاساعان قىلمىسىن ءتۇرلى ارەكەتپەن جاپقىسى كەلەتىن كورىنەدى، - دەپ حابارلايدى Qamshy.kz 31 ارناعا سىلتەمە جاساپ.ءتىپتى جابىرلەنۋشى تاراپ، حالىق قالاۋلىسى ۇلىمنىڭ جاساعان قىلمىسىن جاسىرساڭدار، جاعدايلارىڭدى جاسايمىن دەدى دەيدى. 

وقيعا وسىدان تۋرا ەكى جىل بۇرىن قاپشاعاي قالاسىندا بولعان. سامعات ماقسات ۇلىنىڭ ايتۋىنشا، ءدال وسى كلۋبتىڭ الدىندا ايبەك نۇرجانوۆ ەسىمدى ازامات ءبىر جىگىتپەن سوزگە كەلىسپەي قالادى. ناسىرعا شاپقان ءساتتى كورگەن سوڭ تانىسىم بولعاندىقتان ايبەكتى اراشالاماق بولدىم دەيدى سامعات. ءبىراق كۇتپەگەن جەردەن تراۆماتيكالىق قارۋدان اتقان ايبەكتىڭ وعى مەنىڭ كوزىمە ءتيىپ، وڭ جانارىم اعىپ كەتتى-، دەيدى  قاپشاعاي تۇرعىنى.

سامعات ماقسات ۇلى، جابىرلەنۋشى:

- اتا باستادى. مەن ارتىنان جۇگىرىپ توقتاتايىن دەپ ويلادىم. كوردى، مەن ارتىنان جۇگىرىپ بارا جاتقانىن ءبىلىپ تۇرىپ، ارتىنا قارادى دا مەنى اتىپ ءتۇسىردى. وڭ كوزىم جاراقات الدى. وق ءالى تۇر. كوزىم كورمەيدى. پروتەزبەن ءجۇرمىن.

جابىرلەنۋشى تاراپتىڭ سوزىنشە، ايبەك نۇرجانوۆ بۇعان دەيىن قۇزىرلى ورگاندا قىزمەت ەتكەن. وسى وقيعادان كەيىن بىردەن جۇمىستان شىعىپ، كورىنبەي كەتكەن ەكەن. ال، بۇل وقيعاعا قاتىستى قىلمىستىق ءىس قوزعالىپ، ىزدەۋ جاريالانعان. پوليسيا ءىستىڭ زاڭدى نەگىزدە جۇرگىزىلىپ جاتقانىن ايتادى.

اسەت جولدىبايەۆ،  قاپشاعاي قالالىق ءىىب اعا تەرگەۋشىسى:

- 2014 جىلى كۇدىكتى حالىقارالىق ىزدەۋگە جاريالانىپ، سوت قاۋلىسى  بۇلتارتپاۋ شاراسىنا قاماۋ  قاۋلى قابىلدانعان. اعىمداعى جىلدىڭ ءساۋىر ايىندا كۇدىكتى ق ر قىلمىستىق ءىس جۇرگىزۋ كودەكسىنىڭ  128 بابىنا سايكەس ۇستالىپ، قىلمىستىق ءىس زاڭدىلىققا سايكەس سوتقا جىبەرىلگەن. سوت قاۋلىسى نەگىزىندە بۇلتارتپاۋ شاراسى كەپىلگە وزگەرتىلىپ، ناقتى ۋاقىت قىلمىستىق ءىس اياقتالۋ بارىسىندا جانە اعىمداعى جىلدىڭ مامىر ايىنىڭ 25-نە دەيىن قىلمىستىق ءىس ايىپتاۋ اكتىسىمەن قاپشاعاي قالاسىنىڭ پروكۋراتۋراسىنا جولدانادى. ودان ارى سوتقا جولدانادى.

 ماقسات قوشماعانبەتوۆ، سامعاتتىڭ اكەسى:

قاپشاعاي قالاسىنىڭ دەپۋتاتى سەرىكباي نۇرجانوۆتىڭ بالاسى ايبەك نۇرجانوۆ مەنىڭ بالاما وق اتىپ، كوزىن اعىزىپ جىبەردى. اكەسى-شەشەسى كەشىرىم سۇراپ كەلدى. بالاڭنىڭ جاعدايىن جاساپ بەرەمىز، ءبىراق سەندەر پوكازانيانى وزگەرتەسىڭدەر،  مەنىڭ بالامدى اتقان جوق دەپ باسقا بىرەۋدى كورسەتەسىڭدەر.

جابىرلەنۋشى تاراپ وسىلايشا حالىق قالاۋلىسىنىڭ ءوزى بىزگە ىقپال ەتتى دەپ اشىنادى. ال ماسەلەنىڭ ءمان-جايىن بىلۋگە بارعاندا، ءماسليحات دەپۋتاتى سەرىكباي نۇرجانوۆتى جۇمىس ورنىنان تاپپادىق. ءتىپتى سەرىكباي نۇرجانوۆ ۇيىندە دە بولماي شىقتى، قوڭىراۋىمىزعا دا جاۋاپ بەرمەدى.