ۇكىمەت جانىنداعى جەر كوميسسياسى قۇقىقتىق جۇمىس توبىنىڭ جەتەكشىسى مۇحتار تايجان 21 مامىر كۇنى رەسپۋبليكا بويىنشا مىڭنان استام ادام ۇستالعان مالىمدەدى. بۇل تۋرالى Qamshy.kz حابارلايدى.

قۇقىقتىق توپتىڭ العاشقى وتىرىسىنان سوڭ جۋرناليستەرگە توپ جەتەكشىسى 21 مامىر كۇنى ەل بويىنشا 1083 ازاماتتىڭ تۇتقىندالعانىن جەتكىزدى.

«2016 جىلعى 21 مامىر كۇنى 1083 ازامات ۇستالعان. ولاردىڭ ەشقايسىسى بۇزاقىلىق جاساماعان. ولاردىڭ بارلىعى ساۋاتتى، پاتريوت ازاماتتار. ءبىز ءححى عاسىردا ءومىر سۇرۋدەمىز، مۇنداي ارەكەتتەردەن تارتىنۋىمىز كەرەك. ۇستالعاندار اتىراۋ، ورال، الماتى، ت.ب. قالالاردىڭ تۇرعىندارى. بۇل اقپاراتتى مەن قۇزىرلى دەرەككوزدەردەن الىپ وتىرمىن»، - دەيدى م. تايجان.

سونداي-اق، م. تايجان بۇگىن باس پروكۋروردىڭ ورىنباسارى اندرەي كراۆچەنكومەن كەزدەسىپ، ۇستالعاندار بويىنشا باس پروكۋراتۋرانىڭ الدىنا ناقتى ماسەلە قوياتىنىن ايتتى.

«باس پروكۋروردىڭ وزىمەن كەزدەسكىم كەلگەن. ءبىراق، ولار كراۆچەنكومەن عانا كەزدەسۋ مۇمكىن ەكەنىن ايتتى. ولاردان مەن وسى ۇستالعانداردىڭ ءىسىن جەكە-جەكە تالداۋدى تالاپ ەتەمىن. ۇستالعاندار ەش بۇزاقىلىق جاسامادى. ولار ءبىزدىڭ ازاماتتارىمىز. ەشكىمگە تيىسپەي، وزىمەن-وزى تۇرعان ازاماتتاردى ۇستاپ، الىپ كەتكەن. پوليسيا ءوز ىستەرىنە جاۋاپ بەرۋلەرى كەرەك»، - دەيدى ول.

بۇدان بۇرىن م. تايجان استانادان الماتىعا ارنايى كەلىپ، 21 مامىر كۇنى تۇندە اكىمشىلىك سوتقا تارتىلعاندارمەن جۇزدەسكەنىن، 22 مامىر كۇنى الماتىدا زاڭسىز ۇستالعان ازاماتتاردىڭ ارىز-شاعىمدارىن جيناعانىن جازعان بولاتىن.

21 مامىر كۇنى رەسپۋبليكانىڭ ءبىرقاتار قالالارىندا پوليسيا ۇستاپ الىپ كەتكەن ازاماتتاردىڭ ناقتى سانى تۋرالى ءالى كۇنگە رەسمي اقپارات تارالماعانىن ەستەرىڭىزگە سالامىز.