كۇنى كەشە بۇكىل ەلدى دۇرلىكتىرگەن وڭتۇستىك قازاقستان وبلىسىندا بولعان قايعىلى جاعداي جۇرتشىلىقتىڭ قابىرعاسىن قايىستىرعانى بەلگىلى. زابىرمەن ولتىرىلگەن سارىاعاشتىق ستۋدەنت ايگەرىم وسپانبەكوۆانىڭ وتباسىنا كوڭىل ايتۋشىلار سانى ساعات ساناپ ارتۋدا. بۇل جايتقا شىمكەنتتىك پوليسەيلەر دە بەي-جاي قاراي المادى. جەرگىلىكتى پويلسيا قىزمەتىنىڭ باسشىسى دانيار مەيىرحان الەۋمەتتىك جەلى ارقىلى قازا بولعان قىزدىڭ وتباسى مەن تۋىستارىنا كوڭىل ايتىپ، جۇرەك تەبىرەنتەر حات جولدادى، - دەپ حابارلايدى Qamshy.kz Korrespondent.kz –كە سىلتەمە جاساپ.

«بالانى جوعالتقاننان اۋىر جانە قورقىنىشتى ەشتەڭە جوق شىعار. بۇل جاعدايدا قاتىستى تامشىداي بولسا دا جەڭىلدەتەتىندەي ءسوز تابۋ قيىن بولىپ وتىر. ءدال ءقازىر سىزگە وتە اۋىر ەكەنىن بىلەمىز. شىن كوڭىلدەن قايعىڭىزعا ورتاقپىز» دەپ جازعان پوليسەي قاۋىپسىزدىك شارالارى تۋرالى دا اتاپ ءوتۋدى ءجون ساناعان.

«بۇل قايعىلى وقيعا، وكىنىشكە وراي، وسىعان ۇقساس اۋىر قىلمىستار قاتارىن تاعى دا تولتىردى. بۇگىنگى تاڭدا جەكەمەنشىك تاكسيلەر ازاماتتار ءۇشىن ءقاۋىپتى بولىپ وتىر. قىم-قۋىت، ۇنەمى جىلجۋدى قاجەت ەتەتىن تىرشىلىكتە ءتىپتى جەكە باس قاۋىپسىزدىگىمىزدى ۇمىتىپ كەتەتىنىمىز بار. وسىعان بايلانىستى، شىمكەنت قالاسىنىڭ جپق تاسىمالداۋ قىزمەتىن پايدالانۋشىلاردى قاراپايىم عانا قاۋىپسىزدىك ەرەجەلەرىن ساقتاۋدى ۇسىنادى. بۇل، ەڭ باستىسى - جەكەمەنشىك تاسىمالداۋشىلاردان باس تارتىپ (سونىمەن قاتار زاڭسىز تاكسي قىزمەتى)، رەسمي تىركەلگەن تاكسيدى شاقىرۋ. ءتيىستى تەحنيكامەن، بايلانىس قۇرالدارىمەن جانە GPS-ناۆيگاتورمەن جابدىقتالعان تاكسيلەردە جەكە باس قاۋىپسىزدىگىمەن قاتار، جۇرگىزۋشىمەن داۋلاسۋدان جانە كولىكتىڭ بۇزىلۋ قاۋپىنەن دە قۇتىلاسىز. 
 

ەستە ساقتاڭىز، بۇنداي مۇمكىندىگى جوق، قالادان شالعاي اۋىلدى جەرلەردە كولىككە وتىرعاندا، تۋىستار مەن دوستارىڭىزعا اۆتوكولىكتىڭ مەملەكەتتىك ءنومىرىن، شامامەن كەلەتىن ۋاقىتى مەن جۇرگىزۋشى تۋرالى جەكە مالىمەتتى حابارلاۋىڭىز قاجەت. ناۆيگاسياسى بار تەلەفون بولعان جاعدايدا، ونى جىلجۋ بارىسىندا قوسۋ كەرەك. 
 

ەستە ساقتاڭىز، جەكە باس قاۋىپسىزدىگىڭىزگە نەمقۇرايدى قارايمىن دەپ، باعالى زاتتارىڭىز بەن اقشاڭىزبەن قاتار، ءوز ومىرىڭىزدەن دە ايىرىلۋىڭىز مۇمكىن. ءومىرىمىزدى بۇدان دا جاقسارتۋعا بىرگە كۇش سالايىق. جولدارىڭىز ءارقاشان اشىق بولسىن. شىمكەنتتەگى جەرگىلىكتى پوليسيا قىزمەتىنىڭ اتىنان قايعىرىپ كوڭىل ايتامىز. قۇرمەتپەن، دانيار مەيىرحان» دەلىنگەن جەلىدەگى حابارلامادا.