25 مامىر كۇنى وڭتۇستىك قازاقستان وبلىسىندا بولعان ەكى جول اپاتىنىڭ سالدارىنان ءتورت ادام قازا تاپتى. بىرنەشە جولاۋشى اۋىر جاراقات الدى، - دەپ جازادى kaz.tengrinews.kz TVK تەلەارناسىنا سىلتەمە جاساپ.

ءۇش ادام قازا تاپقان ءبىرىنشى جول اپاتى سوزاق اۋدانىندا بولعان. بولجام بويىنشا، جول بويىندا Lexus پەن Audi كولىكتەرى بەتپە-بەت سوقتىعىسقان. ەكى كولىكتە التى ادام بولىپتى.

«Lexus كولىگىن 69 جاستاعى ەر ادام جۇرگىزسە، ال Audi تىزگىنىندە 29 جاستاعى تاكسيست بولعان. جول اپاتىنىڭ سالدارىنان وقيعا ورنىندا ءۇش ادام قازا تاۋىپ، ۇشەۋى اۋرۋحاناعا جەتكىزىلدى. Audi جۇرگىزۋشىسى جانساقتاۋ بولىمىندە جاتىر. زارداپ شەككەندەردىڭ ىشىندە كامەلەتكە تولماعان 1999 جىلعى بالا بار. جانتۇرشىگەرلىك اپاتتىڭ جاي-جاپسارى انىقتالىپ جاتىر»، - دەپ حابارلادى تەلەارنا تىلشىلەرى.

ەكىنشى جول اپاتى شايانعا بارار جولدا بولعان. «تاكسوموتورلىق پاركتەگى اۆتوكولىكتەردىڭ ءبىرى اۋدارىلىپ كەتكەن. جول اپاتىنىڭ سالدارىنان ءبىر جولاۋشى، ب ا ق قىزمەتكەرى وقيعا ورنىندا قازا تاپتى. تاكسي ءجۇرشىزۋشىسى اۋرۋحاناعا جەتكىزىلدى، ول دا جانساقتاۋ بولىمىندە جاتىر. ءىستىڭ ءمان-جايى انىقتالىپ جاتىر»، - دەلىنگەن حابارلامادا.