"قالاعا اقمولا وبلىسىنداعى سەلينوگراد اۋدانىنداعى قابانباي باتىر مەن تالاپكەر اۋىلدىق وكرۋگتارىنىڭ 1419 گەكتار تەرريتورياسىن بەرۋ ۇسىنىلىپ وتىر. بۇل تەرريتوريانى بەرۋ مەملەكەت باسشىسىنىڭ ۇلتتىق پانتەون سالۋ جانە قالالىق جاڭا زيرات سالۋ تۋرالى تاپسىرماسىن ورىنداۋ ءۇشىن تالاپ ەتىلەدى"، - دەپ حابارلادى نۇركەنوۆ.

باسقارما باسشىسى ۇلتتىق پانتەوننىڭ اقمولا وبلىسىنىڭ سەلينوگراد اۋدانىندا، استانادان 13 شاقىرىم جەردەگى 959 گەكتار اۋماقتى الاتىنىن ايتتى. "ءماسليحات بۇگىن بەكىتتى، ول اقمولا وبلىسىنا جولدانادى. وندا بۇل ماسەلەنى قابىلدايدى، سوسىن ءبىز مۇنى ۇكىمەتكە جولدايمىز، كەيىن پرەزيدەنتتىڭ تەرريتوريانى كەڭەيتۋ تۋرالى جارلىعى دايىندالادى. جىل سوڭىنا دەيىن اياقتايمىز دەپ وتىرمىز"، - دەدى نۇركەنوۆ.

سونىمەن قاتار، ول قالاعا 7300 گەكتار جەردى جاڭا تەرمينال سالۋعا جانە استانانىڭ حالىقارالىق اۋەجايىنىڭ ۇشۋ-قونۋ جولاعىنىڭ رەكونسترۋكسياسىنىڭ قۇرىلىسىنا قاجەت بولاتىنىن ايتتى.

نۇركەنوۆ حالىقارالىق اۋەجاي، ەير استانا جانە قازاقستاندىق ىسكەرلىك اۆياسيا ورتالىعى سياقتى ۇيىمدارعا ارنايى جەر ۋچاسكەلەرىنىڭ بولىنگەنىن حابارلادى، جالپى العاندا 347،60 گەكتار بولىنەدى ەكەن. مۇندا وسى نىسانداردىڭ جوبالاۋى بويىنشا جۇمىستار ءجۇرىپ جاتىر. 

ەسكە سالايىق، وسىعان دەيىن 2016 جىلدىڭ سوڭىنا دەيىن استانا قالاسىنىڭ شەكاراسى 9 مىڭ گەكتارعا كەڭەيتىلەتىرى حابارلانعان ەدى. نازاربايەۆ جىل سايىنعى حالىققا جولداۋىندا حالىقارالىق اۋەجايدى كەڭەيتۋ قاجەتتىگىن ايتقان بولاتىن. وسىعان وراي قالا اكىمدىگى ىرگەنى كەڭەيتۋگە 3340 گەكتار جەر ءبولدى. ءقازىر وندا ۇلكەن اۋەجايدىڭ قۇرىلىسى ءجۇرىپ جاتىر. سونىمەن قاتار، شاھاردى ودان سايىن ۇلكەيتۋ ماقساتىندا تاعى 7300 گەكتار ءبولىندى. مايبالىق كولىنە دەيىن. ول جەر تۇرعىندار دەمالاتىن ورىن بولماق.