جۇڭگو ۇكىمەتى بىرنەشە ءوندىرىستى قازاقستانعا نەمەسە ەل شەكاراسىنا جاقىن كوشىرۋ ماەلەسىن قاراستىرىپ جاتىر. بۇل تۋرالى استانا ەكونوميكالىق فورۋمى بارىسىندا الەمدەگى ەڭ ءىرى پورت وپەراتورلارىنىڭ ءبىرى DP World ديرەكتورلار كەڭەسىنىڭ ءتوراعاسى مالىمدەدى، - دەپ حابارلايدى Qamshy.kz Today.kz – كە سىلتەمە جاساپ.

سۇلتان احمەد يبن سۋلايم ۋاقىتتى ايتارلىقتاي ۇنەمدەگەنىمەن، تەمىر جول تاسىمالى تەڭىز تاسىمالىنان الدە قايدا ارزان تۇسەتىندىگىن ايتىپ وتىر.

«سوندىقتان، بولاشاقتا جۇڭگو ءوز وندىرىستەرىن ەۋروپاعا جاقىن، قازاقستان جاعىنا قاراي كوشىرۋى مۇمكىن. مەن سولاي بولادى دەپ تە ۇمىتتەنەمىن. ءقازىر قازاقستان ءوز جاعىنان قورعاس پورتىن كولىكتىك مۇمكىندىكتەردىڭ ارتىقشىلىقتارىن پايدالانۋ ءۇشىن لوگيستيكالىق پارك تۇرىندە دامىتىپ جاتىر»، –  دەيدى يبن سۋلايم.

وپەراتور-كومپانيا باسشىسى جۇڭگو ۇكىمەتى وندىرىستىك شىعىندى ازايتۋدى قاراستىرىپ جاتقانىن ايتتى. ال وندىرىستەردى قازاقستانعا جاقىن نەمەسە ەل ىشىنە كوشىرۋ ەۋروپاعا تاۋار جەتكىزۋدى 12-13 كۇنگە قىسقارتاتىندىعىن ايتادى.

ەستەرىڭىزگە سالساق، سەسسيا بارىسىندا قتج باسشىسى اسقار مامين سوڭعى بەس جىلدا ۇلتتىق كومپانيا قىتايدان ەۋروپاعا كونتەينەرلىك تاسىمالدى 100 ەسەگە ارتقانىن ايتقان بولاتىن.