ەركە ءانشى ەركە ەسماحان ينستاگرام پاراقشاسىنداعى 999 مىڭ وقىرمان سانى ميلليونعا جەتىپ، ميلليونىنشى جازىلۋشىسىنا ءوزىنىڭ ساحنالىق كويلەكتەرىنىڭ ءبىرىن سىيعا تارتادى، دەپ حابارلايدى Qamshy.kz.

بۇل تۋرالى ءانشى ءوزىنىڭ ينستاگرام پاراقشاسىندا جازدى.

وتاندىق تەلەارنالاردىڭ بىرىندە قوناقتا بولىپ، سوندا ميلليونىنشى وقىرمانىنا ءوزىنىڭ ساحنالىق كويلەكتەرىنىڭ ءبىرىن سىيعا تارتاتىنىن ايتقان ءانشى ەندى ۋادەسىن ورىنداماق.

ءانشىنىڭ ءوزى ايتقانداي، ميلليونشى وقىرمان قىزعا ساحنالىق كويلەگىن تارتۋ ەتەدى. ال ەگەر ەر ادام بولىپ شىقسا، كەرىسىنشە ميلليونشى جازىلۋشى ەر-جىگىتتەن ءوزى سىيلىق كۇتەتىنىن ايتتى.

الەۋمەتتىك جەلى پاراقشاسىنا ميلليونشى جازىلۋشىنى وقىرماننىڭ ساناۋىنا قالدىرعان ءانشى ارتىنان ءبارىن ءوزى باقىلاۋعا الاتىنىن ەسكەرتتى.

«ميللليونشى جازىلۋشىنى وقىرمەن ەمەس، ءوزىم تاڭدايتىن بولدىم. ويتكەنى ملن-شى وقىرماندى ساناپ تابۋ قيىن ەكەن. كەشىرىم سۇرايمىن» دەپ جازدى ەركە ەسماحان.

بۇل حابارلاندىرۋدى جازعاندا ەركەنىڭ وقىرمان سانى 999 مىڭ بولاتىن.

ال ءقازىر تۇپ-تۋرا ميلليونعا جەتتى.

ەركە ەسماحاننىڭ كويلەگى قاي ارۋعا بۇيىراتىنى نەمەسە ەركەگە قاي سەرىنىڭ سىيلىق ۇسىنۋعا مۇمكىندىگى بولاتىنى ازىرگە بەلگىسىز.