نۇرسۇلتان نازاربايەۆ استانا ەكونوميكالىق فورۋمىندا قوناقتارعا ەلدىڭ تاۋەلسىزدىك جىلدارىندا قانداي جەتىستىكتەرگە جەتكەنىن ايتىپ بەردى، - دەپ حابارلايدى Qamshy.kz Tengrinews.kz – كە سىلتەمە جاساپ.

"تاۋەلسىزدىك جىلدارىندا دوللارمەن ايتقاندا قازاقستاننىڭ جالپى ىشكى ءونىمى، 2014 جىلدى قوسقاندا 20 ەسەگە ءوستى، ورتاشا جالاقى - 17 ەسەگە. 2 ميلليون جۇمىس ورنى اشىلدى. وسى مىنبەردەن قازاقستاندىقتار ءدال قازىرگىدەي ءومىر سۇرگەن ەمەس دەپ سەنىممەن مالىمدەي الامىن"، - دەدى قازاقستان پرەزيدەنتى.

ول قارقىندى ەكونوميكالىق وسىمدە ەل بيلىگىنىڭ تابىستى شەكتەن اساتىن دەڭگەيدە ءۇزۋ جاعدايىن بولدىرماعانىن جانە ايتارلىقتاي دەڭگەيدە كەدەيلىكتىڭ قىسقارعانىن اتاپ ءوتتى.

"90-شى جىلداردىڭ باسىندا، ءاربىر ءۇشىنشى ازامات، ناقتىراق ايتساق حالىقتىڭ 40 پايىزى كەدەيلىكتە ءومىر ءسۇردى، بۇگىن بولسا كەدەيلىك دەڭگەيى 3-اق پايىز. ەكونوميكالىق وسىمدە ءبىز جالپىعا ورتاق تۇتىنۋشىلىققا جول بەرمەدىك. ءبىز ءۇشىن باستى باسىمدىلىق ادام كاپيتالى، ينفراقۇرىلىمنىڭ، يندۋسترياليزاسيانىڭ دامۋى، قازاقستاندىقتاردىڭ بولاشاق ۇرپاعىنىڭ جيناعىنىڭ دامۋى بولدى جانە وسىلاي بولىپ قالا بەرەدى"، - دەدى مەملەكەت باسشىسى.