«ەگەر دە 1990 جىلداردىڭ باسىندا قازاقستان حالقىنىڭ 40 پايىزى كەدەيلىك شەگىنەن اسا ءومىر سۇرسە، ءقازىر ەلىمىزدە حالىقتىڭ 3 پايىزى عانا كەدەيلىك جاعدايىندا ءومىر سۇرۋدە»، - دەدى بۇگىن پرەزيدەنت ن. نازاربايەۆ استانا ەكونوميكالىق فورۋمىندا جاساعان بايانداماسىندا. بۇل تۋرالى Qamshy.kz قازاقپاراتقا سىلتەمە جاساپ حابارلايدى.

«ءبىز حالىق كىرىسىنىڭ اراجىگىن الىستاتپاي، كەدەيلىك دەڭگەيىن الدەقايدا ازايتتىق. ەگەر دە، 1990 جىلداردىڭ باسىندا ءاربىر ءۇشىنشى قازاقستاندىق (40 پايىزى) كەدەيلىك شەگىندە ءومىر سۇرگەن بولسا، ال، ءقازىر كەدەيلىك شەگىندە ءومىر سۇرەتىن حالىقتىڭ ۇلەسى  - 3 پايىز.  ەكونوميكامىزدى ەندى كوتەرىپ جاتقاندا، ءبىز تۇتىنۋ دۇربەلەڭىنە شالدىقپاي، ادامي كاپيتالعا ينۆەستيسيا سالدىق»، - دەدى ن.نازاربايەۆ.

مەملەكەت باسشىسى اتاپ وتكەندەي، ادام كاپيتالىنان وزگە قازاقستاننىڭ ماڭىزدى دامۋ باعىتى - ينفراقۇرىلىم مەن يندۋستريالاندىرۋ بولىپ وتىر.  «قازاقستاننىڭ يندۋستريالىق-يننوۆاسيالىق ساياساتى، ينفراقۇرىلىمعا ينۆەستيسيا قۇيۋ ساياساتى ورنىقتى جىلدار ىشىندە قيىن كۇندەرگە قور جيناۋعا مۇمكىندىك بەردى»، - دەپ اتاپ ءوتتى پرەزيدەنت.