دۇنيەجۇزىلىك بانكتەن الاتىن 1 ميلليارد دوللاردى ۇكىمەت 20 جىلدا قايتارىپ بەرۋى ءتيىس. بۇل تۋرالى كتك ارناسى حابارلادى. قارىزعا كەلگەن بۇل اقشامەن بيۋدجەتتىڭ «جىرتىعىن جاماماق». نەگىزى الەۋمەتتىك جوبالارعا جۇمسايمىز، -دەيدى قارجى ءمينيسترى. ۇكىمەت بۇدان بولەك بىلتىر دا مەملەكەتتىك باعدارلامالاردى قارجىلاندىرۋ ءۇشىن ازيا بانكىنەن 1 ملرد دوللار نەسيە العان بولاتىن. ونى 5 جىلدا وتەۋى كەرەك. ال سەناتورلار ۇستى-ۇستىنەن قارىزدانىپ جاتقان ۇكىمەتكە سەناتورلار قارسىلىق بىلدىرگەنىمەن، زاڭدى اقىرى بەكىتىپ بەردى. ءبىراق، دەپۋتاتتار ەلىمىزدىڭ سىرتتان نەسيە الۋعا بەرىلگەن ليميت ءبىتىپ قالا ما دەپ الاڭداپ وتىر.

ءلاززات قيىنوۆ، سەنات دەپۋتاتى:

-كۆازيمەملەكەتتىك سەكتور دەگەنىمىز –ۇكىمەتكە تيەسىلى ۇلتتىق كومپانيالار. باتىستا ولاردىڭ دا قارىزى مەملەكەتتىك بولىپ ەسەپتەلەدى. ءبىزدىڭ كۆازيمەملەكەتتىك بەرەشەگىمىز 40 ملرد دوللار ەكەن، ال مەملەكەتتىڭ قارىزى 26،6 ملرد. سوندا جالپى قارىز 67 ملدر جۋىق. ليميت بولسا - 61 ملرد. ۇكىمەت وسى اۋىتقۋدى قالاي رەتتەمەك؟