نۇرسۇلتان نازاربايەۆ وفشورداعى اقشاعا سالىق سالىپ، ونى قايدا جۇمساۋدىڭ جولىن ايتتى، - دەپ حابارلايدى Qamshy.kz كتك ارناسىنا سىلتەمە جاساپ.

قازاقستان پرەزيدەنتى جاسىرىلعان تريلليونداردىڭ 1 پايىزىن كەدەي ەلدەردىڭ ءبىلىمى مەن دەنساۋلىق ساقتاۋ سالاسىنا ءبولۋدى ۇسىنىپ وتىر. وسىنداي باستاما كوتەرگەن نازاربايەۆ بۇگىن استانادا ءوتىپ جاتقان ەكونوميكالىق فورۋمعا قاتىسىپ، ءوز بولجامدارىمەن ءبولىستى. ءسويتىپ، نوبەل سىيلىعىنىڭ لاۋرەاتتارى، ەكس-پرەزيدەنتتەر، بىلىكتى ەكونوميستەرمەن بىرگە داعدارىستان قۇتىلۋدىڭ جولدارىن قاراستىردى.

-قازاقستان الەمدىك ەكونوميكانىڭ ءبىر بولشەگى. دەرجاۆالاردىڭ ءوزارا تارتىسى كەزىندە، مۇنايدىڭ باعاسى اياقاستى قۇلدىراپ، دامۋدىڭ تەجەلەتىنى بەلگىلى. سوندىقتان گەوساياسي قىرعي-قاباقتىڭ كەسىرى «قارا التىن» ساتىپ كۇنىن كورىپ وتىرعان قازاقستان سياقتى ەلدەر ءۇشىن ۇلكەن سوققى. تىعىرىقتان شىعۋ ءۇشىن رەسمي استانا مۇنايعا تاۋەلدى بولمايتىن ەكونوميكاعا اۋىسۋدى جوسپارلاپ ءجۇر.

مۇناي ەكسپورتىنا ۇيرەنىپ قالعان مەملەكەتتەرگە بۇل ءبىر كۇننىڭ شارۋاسى ەمەس. سەنگەن قازبا  بايلىقتارى تۇگەسىلەتىندىكتەن، ەندىگى تابىس كوزى – ءبىلىم مەن يننوۆاسيادا. بۇنى ءبارى جاقسى بىلگەنىمەن، جاھاندىق ەكونوميكا الپاۋىت ەلدەر اراسىنداعى گەوساياسي ويىنداردىڭ «قۇربانى» بولىپ وتىر. ال وسى كەزدە كوپتەگەن ەلدەر ءبىر ءۇزىم نانعا زار، بالالارى ءارىپ تانىمايدى، دەنساۋلىعى دا دىمكاس. سوندىقتان نۇرسۇلتان نازاربايەۆ اقشاسىن وفشورعا تىققان الەمنىڭ دوكەيلەرى مەن بايلارىنا كەدەي ەلدەرگە مەكتەپ پەن اۋرۋحانا سالىپ بەرۋدى ۇسىندى.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

- بۇگىندە الەمدىك مامانداردىڭ باعالاۋى بويىنشا، وفشور ەسەپشوتتارىندا 30-40 تريلليون دوللار بار. بۇل اكتيۆتەرگە ەڭ بولماسا جاھاندىق 1 پايىز سالىقتى ەنگىزۋ دامۋشى ەلدەردەگى ءبىلىم بەرۋ جانە دەنساۋلىق ساقتاۋ سالالارىن جاڭا دەڭگەيگە شىعارۋعا مۇمكىندىك جاسار ەدى. بۇل سالىقتان تۇسكەن قاراجاتتى جوعارىدا اتالعان ادام كاپيتالىنىڭ دامۋى قورىنا سالۋعا بولار ەدى.

ياعني، ۇسىنىس قولداۋ تاپسا عالامدىق وففشورعا سالىنعان سالىقتان تۇسكەن قارجى بىرىككەن ۇلتتار ۇيىمى جانىنان قۇرىلاتىن قورعا اۋدارىلۋى ءتيىس. حالىقارالىق دەڭگەيدە بىرنەشە باستاما كوتەرگەن ەلباسى الەم ەكونوميكاسى وزگەرىستى قالاپ وتىرعانىن اشىق ايتتى. ءبىراق، سەنىم جوق جەردە اۋقىمدى رەفورما جاساۋ مۇمكىن ەمەس. سوندىقتان دۇنيەجۇزى جىك-جىككە ءبولىنۋى ەمەس، بىرىگۋى قاجەت.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

-يا پرەكراسنو پومنيۋ پەريود حولودنوي ۆوينى. يا بىل نا رۋكوۆودياششيح دولجنوستياح، كوگدا ۆسە دەليليس پو ۆوەننىم، ەكونوميچەسكيم ي پوليتيچەسكيم بلوكام ي ۆووبششە نە ۆوسپرينيمالي درۋگ درۋگا نيكاكيم وبرازوم. داجە پروستىح ليۋدەي نە ۆوسپرينيمالي ۆ درۋگيح ستراناح، تەح، كتو ناحوديلسيا ۆ تاكوي كونفرونتاسيي.

ال فورۋمدا ءسوز سويلەگەن ايگىلى قىتايلىق ميللياردەردىڭ ويىنشا،   الداعى 30 جىلدا الەمدى ينتەرنەت وزگەرتپەك. دجەك ما جاڭا تەحنولوگيالاردىڭ كۇشىن ايتا كەلە، قازاقستانعا شاعىن كاسىپورىندار اشۋ ارقىلى ەكونوميكانى كوتەرۋگە كەڭەس بەردى. بۇل ءسوزدى ەستىگەن نازاربايەۆ، ماڭىزدى ستراتەگيالىق جوسپارلارىمەن ءبولىسىپ، 25 جىلداعى جەتىستىكتى شەتەلدىك مەيماندارعا ءتىزۋدى ۇمىتقان جوق.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

- تاريح ءۇشىن ءبىر ءسات قانا بولاتىن شيرەك عاسىردا ءبىز كارتادا شەكاراسى جوق مەملەكەتتەن الەمنىڭ باسەكەگە قابىلەتتى ەلۋ ەلىنىڭ قاتارىنان تابىلعان مەملەكەتكە اينالدىق. ءبىر سەنىممەن ايتا الاتىنىم، قازاقتار مەن قازاقستاندىقتار ءدال قازىرگىدەي جاقسى ءومىر سۇرگەن ەمەس.