جەر رەفورماسى جونىندەگى كوميسسيانىڭ ءۇشىنشى وتىرىسىن اشۋ ءۇشىن ءسوز سويلەگەن ق ر پرەمەر-مينيسترىنىڭ ءبىرىنشى ورىنباسارى باقىتجان ساعىنتايەۆ جەر رەفورماسى جونىندەگى كوميسسيانىڭ وتىرىسىنا كۇمان كەلتىرۋدى - ارانداتۋشىلىق دەپ ويلايتىندىعىن ءبىلدىردى، - دەپ حابارلايدى Qamshy.kz.

«بۇگىنگە دەيىن كوميسسيا مۇشەلەرى مەن ارنايى جۇمىس توپتارىنا، پوشتالارعا، سايتتارىمىز بەن سەنىم تەلەفوندارىمىزعا كەلىپ تۇسكەن ۇسىنىس-پىكىرلەرگە قاراپ وتىرىپ، ءبىزدىڭ جۇمىسىمىز قوعام اراسىندا كەڭىنەن تالقىلانىپ جاتقاندىعىن اڭعارامىز. الايدا، ەل ءىشى مەن الەۋمەتتىك جەلىلەردە كوميسسيا جۇمىسىنا كۇمان كەلتىرۋشىلەر دە جوق ەمەس. ءتىپتى، ولار ءبىز ءوز جۇمىسىمىزدى باستاماي تۇرىپ، ناتيجەسىن تالاپ ەتىپ، ءتۇرلى قاۋەسەتتەر دە تاراتۋدا. مەنىڭ ويىمشا، بۇل بارىپ تۇرعان - ارانداتۋشىلىق. سوندىقتان دا، ەگەر قوعامنىڭ كەز-كەلگەن ازاماتىنان سۇرانارىم، ەگەر ۇسىنىس-پىكىر بىلدىرەم دەۋشىلەر بولسا رەسپۋبليكامىزدىڭ بارلىق وڭىرلەرىندە ءتيىستى مۇمكىندىكتەر بار. ونداي حابارلامانىڭ ەشبىرى دە نازاردىن تىس قالمايدى»، - دەدى باقىتجان ساعىنتايەۆ.

ەستەرىڭىزگە سالا كەتەيىك، بۇگىنگى وتىرىسىندا كوميسسيا مۇشەلەرىنىڭ 69 مۇشەسىن قوسقان كوميسسيا وتىرىسىندا جەردى شەتەلدىكتەرگە جالعا بەرۋ ماسەلەسى قارالۋدا.