استانا قالاسى قوعامدىق كەڭەسىنىڭ وتىرىسىندا اقىلى كولىك تۇراقتارى ماسەلەسى قارالدى. ءبىرىنشى كەزەڭ اياسىندا سول جاعالاۋدا كولىككە ارنالعان 910 ورىن قامتىلادى، - دەپ حابارلايدى Qamshy.kz استانا قالاسىنىڭ اكىمدىگىنە سىلتەمە جاساپ. 

قازىرگى كەزدە اقىلى تۇراقتى پايدالانعانى ءۇشىن بازالىق ءتاريفتى بەكىتۋ تۋرالى قاۋلى ازىرلەنىپ جاتىر. ەسەپتەۋلەر بويىنشا ول 182 تەڭگەنى قۇراۋى ءتيىس، ءبىراق الەۋمەتتىك ماڭىزدىلىعىن ەسكەرە كەلە، ساعاتىنا 150 تەڭگەدەن بەلگىلەۋ ۇسىنىلىپ وتىر. مۇگەدەكتىگى بار ادامدار تۇراقتى تەگىن پايدالانادى.

-بۇگىنگى تاڭدا قالادا تاۋلىگىنە 400 مىڭعا جۋىق كولىك تىركەلەدى، سونداي-اق، ەلورداعا التى باعىتتان تاۋلىگىنە 74 مىڭعا جۋىق كولىك كەلەدى، بۇل كولىك قويۋ جاعدايلارىن قيىنداتىپ، كولىك كەپتەلىستەرىن جانە ت.ب. جاعدايلاردى تۋدىرادى. ترافيكتى ەڭ ءتيىمدى شەكتەۋدىڭ جولدارىنىڭ ءبىرى قالا كىرۋدى اقىلى ەتۋ بولىپ تابىلادى. ءبىز قالا اۋماعىندا كوشەلەردىڭ بەلگىلى ءبىر ۋچاسكەلەرىن اقىلى قىلۋدى ۇسىنامىز، - دەدى قالالىق جولاۋشىلار كولىگى باسقارماسىنىڭ باسشىسى ەدىل سۇلەيمەنوۆ.

ناقتى قاي ۋچاسكەلەردىڭ اقىلى بولاتىنى ازىرگە بەلگىسىز. قوعامدىق كەڭەس مۇشەلەرى وسى ماسەلەگە قاتىستى كوپ ەسكەرتۋ جاساپ، سوگىس ايتتى. وسىعان بايلانىستى اقىلى تۇراقتار جوباسى بويىنشا قوسىمشا قۇجاتتار، تۇسىندىرمەلەر، سىزبالار سۇراتىپ، ماسەلەنى قوعامدىق كەڭەستىڭ كەلەسى وتىرىسىندا قاراۋ تۋرالى شەشىم قابىلداندى. قالاعا كىرۋدى اقىلى ەتۋ بويىنشا ەشقانداي قورىتىندى شىعارىلعان جوق.

سۇيلەيمەنوۆتىڭ ايتۋىنشا، قازىرگى كەزدە 86 قالالىق مارشرۋتتىڭ 64ء-ى شىعىندى بولىپ كەلەدى، 90 تەڭگەلىك تاريف 2014 جىلى ەنگىزىلگەن، سايكەسىنشە، ەكى جىلدا ەكونوميكالىق جاعداي وزگەردى. سوندىقتان ءتاريفتى كوتەرمەۋ ءۇشىن سۋبسيديالاۋ كەرەك.