شانحاي ىنتىماقتاستىق ۇيىمىنا (شىۇ) مۇشە ەلدەردىڭ باسشىلارى پەكينگە ەكى كۇندىك سامميتكە جينالدى. 6 ماۋسىمدا باستالاتىن ءسامميتتىڭ كۇن تارتىبىندە ورتالىق ازياداعى قاۋىپسىزدىك پەن اۋعانستانداعى جاعداي ءبىرىنشى كەزەكتە تۇر. جۇڭگو ۇيىم ەلدەرى تەرروريزمگە قارسى كۇرەس جوسپارىن بەكىتۋى مۇمكىن ەكەنىن ايتتى. ول بۇعان قوسا ورتالىق ازياداعى ينفراقۇرىلىمدى دامىتۋ مەن جوبالاردى قارجىلاندىرۋ جايى تالقىلاناتىنىن جەتكىزدى. 2001 جىلى ايماقتاعى قاۋىپسىزدىكتى نىعايتۋ ماقساتىندا قۇرىلعان شىۇ ءقازىر ەكونوميكالىق، مادەني، جانە باسقا دا سالالاردا ىنتىماقتاستىق ورناتۋ قىزمەتىن دە اتقارىپ كەلەدى. ۇيىمعا رەسەي، جۇڭگو، قازاقستان، قىرعىزستان، وزبەكستان جانە تاجىكستان مۇشە. سامميتكە اۋعانستان، ءۇندىستان، موڭعوليا جانە پاكىستان باسشىلارى باقىلاۋشى رەتىندە قاتىسپاق.