قازاقستان رەسپۋبليكاسى پارلامەنت سەناتىنىڭ ءتوراعاسى قاسىم-جومارت توقايەۆ كەشە اقتوبە قالاسىندا ورىن العان وقيعاعا بايلانىستى وسىلاي دەپ مالىمدەدى. بۇل تۋرالى Qamshy.kz حابارلايدى.

«قاسيەتتى ورازا قارساڭىنداعى اقتوبەدەگى تەراكت – بانديتتەردىڭ شەكتەن شىققان ارسىزدىعى مەن قانىپەزەرلىگىن كورسەتتى. ولاردى جازالاۋدىڭ ەڭ قاتال شارالارى قولدانىلادى» دەپ جازدى ول ءوزىنىڭ تۋيتتەردەگى اككاۋنتىندا.

ەستەرىڭىزگە سالساق، كەشە اقتوبە قالاسىندا بىرنەشە قارۋلى قىلمىسكەر ەكى بىردەي قارۋ-جاراق دۇكەنىنە شابۋىل جاساپ، ارتىنان قالاداعى اسكەري بولىمدەردىڭ بىرىنەن باسىپ كىرۋگە ارەكەتتەنگەن. لاڭكەستەردىڭ قولىنان 6 ادام، ونىڭ ۇشەۋى اسكەريلەر، قازا بولعانى تۋرالى رەسمي اقپارات بار. ال، لاڭكەستەردىڭ تورتەۋى ولاردى ۇستاۋ بويىنشا ارنايى وپەراسيا كەزىندە وققا ۇشقان، جەتى لاڭكەس قولعا تۇسكەنى حابارلاندى.