تامىز ايىندا «31 ارنا» قازاقستاندىق تەلەكورەرمەندەرگە جاڭا سىي جاسايدى. تۇركياداعى ەڭ ۇزدىك تەلەحيكايالاردىڭ ءبىرى «عاشىقتىق دەرتى» (Kara sevda) – سۇيىكتى ارنالارىڭىزدا! سىرلى سەزىم، نازىك ماحاببات پەن جىگىتتەر اراسىنداعى باقتالاستىق قاتار ورىلگەن تاماشا تەلەحيكايانىڭ باستى كەيىپكەرلەرى – جىگىتتىڭ سەرىسى بۋراك وزچيۆيت جانە ناپ-نازىك نەسليحان اتاگۇل.  بۇل تۋرالى Qamshy.kz حابارلايدى.

 تەلەحيكايانىڭ سەنارييى بىرەگەي، سيۋجەتى دەتەكتيۆتىك جەلىگە قۇرىلعان، ال بارىنەن بۇرىن سىمباتى مەن مىنەزى جاراسقان تالانتتى اكتەرلەرى كەيىپكەرلەرىنىڭ وبرازىن جان-جاقتى اشىپ، كورەرمەندەردىڭ تاڭدايىن قاقتىرادى.  رەجيسسەرى – وسىعان دەيىن بىرنەشە تەلەحيكايالاردى ومىرگە اكەلگەن تۇركياعا تانىمال تانىمال رەجيسسەر حيلال سارال.

«عاشىقتىق دەرتىندەگى» تۇركيانىڭ جاسىل جەلەككە تولى القابى، تاريحى تەرەڭ ەلدىڭ قاراپايىم حالقىنىڭ، داۋلەتتى اۋلەتتەردىڭ ءومىر سالتى، جان تەبىرەنتەر اۋەندەرى مەن تاماشا اندەرى كورەرمەندەردى ءتانتى قىلادى.   

ايگىلى «سۇلەيمەن سۇلتان» تەلەحيكاياسىندا بالي بەيدىڭ ءرولىن سومداعان تالانتتى اكتەر بۋراك وزچيۆيت، قالىڭ كوپشىلىككە سونداي-اق «سارى شىمشىق»، «كىشكەنتاي قۇپيالار. ستامبۋل سىرلارى»، «ەرىكسىز كۇيەۋ» سىندى تەلەحيكايالارداعى رولدەرى ارقىلى تانىمال. ال «عاشىقتىق دەرتىندە» كەدەي شاحتاشى بولىپ ءجۇرىپ، اياق استىنان بايىپ، ۇلكەن داۋلەتكە يە بولاتىن كەمال اتتى جاس جىگتتىڭ ءرولىن سومدايدى.

 تاعدىر كەمالعا كەنەتتەن توسىنسىي جاسايدى. ول ءۇرىپ اۋىزعا سالعانداي نيحان اتتى سۇلۋ ستۋدەنت قىزعا عاشىق بولادى. نيحان دا ونى ءبىر كورگەننەن ۇناتادى. الايدا، ەكى عاشىق ەكى الەمنىڭ وكىلى. ءبىرى – بايدىڭ قىزى، ەكىنشىسى – كەدەي جىگىت. ولاردىڭ الدىندا – ۇلكەن تاڭداۋ تۇر. ۇلكەن ومىرگە قادام باسۋ ءۇشىن شەشىم قابىلداۋعا ءتيىس. ايتكەنمەن، تاعدىردىڭ تالكەگىمەن كەمال عاشىعىمەن ايىرىلىسۋعا ءماجبۇر بولادى. ءسويتىپ ول ومىردەن ۇلكەن ساباق الىپ، سەزىمىن جۇرەگىنىڭ تۇكپىرىنە جاسىرىپ، شاحتادا جۇمىس ىستەۋ ءۇشىن زونگۋلداك قالاسىنا كەتىپ قالادى. ال نيحان داۋلەتتى وتباسىنان شىققان ەمير اتتى قاتىگەز جىگىتكە ەرىكسىز تۇرمىسقا شىعادى. سودان باستاپ كەمال مەن نيحاننىڭ جولى ەكىگە ايىرىلادى. ءبىرىن-بىرى ەسسىز سۇيگەن ەكى عاشىق ماحابباتتان ءبىرجولا كۇدەر ۇزگەندەي بولادى...

 الايدا ءومىر ءوز دەگەنىنە كوندىرەدى ەكەن. كەمال جۇمىس ىستەيتىن شاحتادا ورىن العان اپات – ونىڭ تاعدىرىن مۇلدە باسقا ارناعا بۇرىپ جىبەرەدى. سونىڭ ارقاسىندا ول تانىماستاي بولىپ وزگەرىپ، نيحان مەن ەميردە، ءوزىن تاعدىرىنان قاشۋعا ءماجبۇر ەتكەن ادامداردا كەتكەن كەگىن قايتارۋ ءۇشىن ستامبۋلعا قايتا ورالادى.

 بۇل حيكايادان كورەرمەندەر ادامنىڭ باعى ءبىر ساتتە جانىپ، ءبىر ساتتە ۋىسىنان سۋسىپ كەتۋى مۇمكىن ەكەنىن، الەۋمەتتىك تەڭسىزدىكتىڭ قولىڭدى ءجىپسىز بايلاۋى دا، كۇرەسكەر بولىپ قالىپتاسۋعا ىقپال ەتۋى دە مۇمكىن ەكەنىن تۇسىنەدى. تاعدىر كەز كەلگەن بىتپەگەن وقيعاعا نۇكتە قويادى. بەيتانىس جان دەپ جۇرگەنىڭ جاقىنىڭ بولىپ، ال جاقىنىڭدى مۇلدە تانىمايتىن بولىپ شىعۋىڭ دا عاجاپ ەمەس.

 ماحاببات دەرتى – جۇرەككە ايىقپاس جارا سالادى. ول – كوزسىز، ازاپقا تولى، الايدا ماڭگىلىك تاۋسىلمايتىن عاجايىپ سەزىم. 

8 تامىزدان باستاپ دۇيسەنبى مەن جۇما ارالىعىندا 21.00-دە 31 ارنادا. 

وتىز ءبىرىنشى ارنا – تاڭعالدىراتىن، شابىت پەن مەيىرىم سىيلايتىن، قىزىقتى، ءقاۋىپسىز، بۇكىل وتباسىنا ارنالعان ۇلتتىق ويىن-ساۋىق ارناسى. ارنانىڭ ۇرانى – «وتباسىمەن بىرگە كورەيىك!».