ءال-فارابي اتىنداعى قازۇۋ-دا وتكەن وقۋ-ادىستەمەلىك بىرلەستىكتىڭ رەسپۋبليكالىق وقۋ-ادىستەمەلىك كەڭەسىنىڭ كەزەكتى وتىرىسىندا ەلىمىزدەگى جوعارى وقۋ ورىندارىنىڭ ءۇش تىلدىك ءبىلىم بەرۋ ۇلگىسىنە كوشۋ ستراتەگياسى، جوعارى ءبىلىم بەرۋ باعدارلاماسىنا «زاماناۋي قازاقستان تاريحى» جانە «اقپاراتتىق-كوممۋنيكاتيۆتى تەحنولوگيالار» پاندەرىن ەنگىزۋ، قولجەتىمدى ونلاين كۋرستار ۇلتتىق پلاتفورماسىن ۇيىمداستىرۋ سىندى تاقىرىپتار قاراستىرىلدى، - دەپ حابارلايدى Qamshy.kz.

قازۇۋ-دا 2016 جىلدىڭ 2 ماۋسىمىندا ءبىلىم جانە عىلىم مينيسترلىگىنىڭ  جوعارى جانە جوعارى وقۋ ورنىنان كەيىنگى ءبىلىم بەرۋ وقۋ-ادىستەمەلىك بىرلەستىگىنىڭ رەسپۋبليكالىق وقۋ-ادىستەمەلىك كەڭەسىنىڭ (رواك) كەزەكتى وتىرىسىنا ق ر جوعارى وقۋ ورىندارىنىڭ رەكتورلارى مەن پرورەكتورلارى قاتىستى.

ەلىمىزدىڭ الدىڭعى قاتارلى 23 جوعارى وقۋ ورنى قۇرامىنا كىرەتىن ءال-فارابي اتىنداعى قازاق ۇلتتىق ۋنيۆەرسيتەتى وقۋ-ادىستەمەلىك بىرلەستىگىنىڭ  رواك-ى بۇگىندە رەسپۋبليكالىق جوعارى جانە جوعارى وقۋ ورنىنان كەيىنگى ءبىلىم بەرۋ سالاسىندا 118 ماماندىق بويىنشا وقۋ-ادىستەمەلىك جۇمىستاردى ساراپتايدى.

وقۋ-ادىستەمەلىك بىرلەستىگىنىڭ ءتوراعاسى، قازۇۋ رەكتورى عالىم مۇتانوۆ اتاپ وتكەندەي، «2016-2020 جىلدار ارالىعى ەلىمىزدىڭ جوعارى وقۋ ورىندارىنىڭ ءۇش تىلدىك ءبىلىم بەرۋگە كوشۋى – وتاندىق كادرلاردىڭ باسەكەلەستىككە قابىلەتتىلىگىن ارتتىرۋدىڭ جانە ءبىلىم سەكتورىنىڭ ەكسپورتتىق الەۋەتىن ءوسىرۋدىڭ نەگىزگى شارتى. ءۇش تىلدىك ءبىلىم بەرۋ ستراتەگياسى ۋاقىت تالاپتارىنا جاۋاپ بەرۋگە، ءبىزدىڭ قوعامنىڭ ومىرلىك قاجەتتىلىكتەرىنىڭ شەشىمىن تابۋعا مۇمكىندىك بەرەدى. مۇنىڭ ءبارى وقۋ-ادىستەمەلىك بىرلەستىكتىڭ رەسپۋبليكالىق وقۋ-ادىستەمەلىك كەڭەسىنە الداعى جىلعا ماڭىزدى مىندەتتەردى ايقىنداپ بەردى».

وقۋ-ادىستەمەلىك بىرلەستىكتىڭ رواك-ى مۇشەلەرى كوپ ءتىلدى ءبىلىم بەرۋ باعدارلامالارىن ەنگىزۋ بويىنشا ءال-فارابي اتىنداعى قازۇۋ  تاجىريبەسىمەن تانىستى.

وتىرىس بارىسىندا ءال-فارابي اتىنداعى قازۇۋ-دىڭ بىلىكتىلىكتى ءوسىرۋ جانە قوسىمشا ءبىلىم بەرۋ ينستيتۋتى ديرەكتورىنىڭ ورىنباسارى ز.م. بالعىمبايەۆا جانە شەت تىلدەر كافەدراسىنىڭ مەڭگەرۋشىسى ا.ا. مولداعالييەۆا وزدەرىنىڭ «2016-2020 جىلدار ارالىعى ق ر جوعارى وقۋ ورىندارىنىڭ ءۇش تىلدىك ءبىلىم بەرۋگە كوشۋ ستراتەگياسىنىڭ شەڭبەرىندە جاراتىلىستانۋ باعىتىنداعى ماماندىق وقىتۋشىلارىنىڭ اعىلشىن تىلىندەگى دايىندىقتارىن كۇشەيتۋ باعدارلاماسى جايلى» اتتى بايانداماسىن وقىدى.

قازۇۋ-دىڭ تاريح، ارحەولوگيا جانە ەتنولوگيا فاكۋلتەتى دەكانى ا.ق. ءجۇمادىلدىڭ «زاماناۋي قازاقستان تاريحى» ءپانى جايلى بايانداماسى، ءال-فارابي اتىنداعى قازۇۋ ينفورماتيكا كافەدراسىنىڭ مەڭگەرۋشىسى ر.ك.ۋرماشيەۆا مەن حالىقارالىق IT ۋنيۆەرسيتەتىنىڭ اكادەميالىق سۇراقتار بويىنشا پرورەكتورى ر.ك.ۇسكەنبايەۆانىڭ «اقپاراتتىق-كوممۋنيكاتيۆتى تەحنولوگيالار» ءپانىن اعىلشىن تىلىندە وقىتۋ باعدارلاماسى، سونىمەن قاتار، ءال-فارابي اتىنداعى قازۇۋ-دىڭ قاشىقتىقتان وقىتۋ ينستيتۋتى ديرەكتورى ە.س.اليمجانوۆا مەن بىلىكتىلىكتى ارتتىرۋ جانە قوسىمشا ءبىلىم ينستيتۋتى ديرەكتورى ب.ا. شايكەنوۆانىڭ بۇقارالىق اشىق ونلاين كۋرستار ۇلتتىق پلاتفورماسىن ۇيىمداستىرۋ جايلى باياندامالارى قىزۋ پىكىرتالاس تۋدىردى.

وقۋ-ادىستەمەلىك بىرلەستىكتىڭ رواك  جۇمىسىنىڭ باستى باعىتتارى – جەتەكشى ماماندىقتار بويىنشا جوعارى وقۋ ورىندارىنىڭ كىتاپتارمەن قامتىلۋىن تۇراقتى زەرتتەۋ جانە ءتيىستى عىلىمي-پەداگوگيكالىق الەۋەتى بار جوعارى وقۋ ورىندارىنا قاجەتتى وقۋ قۇرالدارىن باسىپ شىعارۋعا ارنايى تاپسىرىستاردى ورنالاستىرۋ.

وسى باعىتتا قازۇۋ فيلوسوفيا جانە ساياساتتانۋ فاكۋلتەتىنىڭ دەكانى ءا.ر. ماساليموۆا وتىرىس قاتىسۋشىلارىن جوعارى ءبىلىم بەرۋگە ارنالعان «ءدىنتانۋ» وقۋ-ادىستەمەلىك قۇرالىمەن تانىستىردى. ءا.ر. ماساليموۆا ءدىني ەسترەميزم مەن تەرروريزمنىڭ شارىقتاۋ شاعىندا كورسەتىلگەن وقۋ-ادىستەمەلىك قۇرالدىڭ وزەكتىلىگىن تىلگە تيەك ەتتى. 

وقۋ-ادىستەمەلىك بىرلەستىكتىڭ رواك-ى مۇشەلەرى وسى وتىرىستا قابىلدانعان شەشىمدەر ءبىلىم جانە عىلىم سالاسىن دامىتۋدا ستراتەگيالىق مىندەتتەردى اتقارۋعا، زاماناۋي الەمدە قازاقستاننىڭ باسەكەلەستىككە قابىلەتتىلىگىن جوعارى دارەجەدە قالىپتاستىرۋعا ۇلەس قوستىنىنا سەنىمدى.