«استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ 14 جىلعا باس بوستاندىعىنان ايرىلدى، - دەپ حابارلايدى Qamshy.kz.
بۇگىن استاناداعى مامانداندىرىلعان قىلمىستىق ىستەر جونىندەگى سوتتا سۋديا ءادىلحان شايحيسلاموۆ ۇكىم وقىدى.
سوت ۇكىمىمەن ت. ەرمەگيايەۆ 14 جىلعا باس بوستاندىعىنان ايرىلدى. سونداي-اق، ونىڭ مەملەكەت باسشىسىنىڭ جارلىعىمەن بەرىلگەن «قۇرمەت» وردەنى دە الىنباق. سوت ۇكىمى سونداي-اق ونىڭ بارلىق مۇلكىن تاركىلەۋدى جانە مەملەكەت پايداسىنا 5،9 ملرد تەڭگە قايتارۋدى مىندەتتەيدى.
ت. ەرمەگيايەۆ ق ر قك-نىڭ 311 – بابى 5ء-بولىمى، 176-بابى «ب» تارماعى (1997 جىلعى قك)، 189-بابى 4ء-بولىمى 2-تارماعى بويىنشا كىنالى دەپ تانىلدى.
سوت ۇكىمى جاريالانعاننان سوڭ 15 كۇننەن كەيىن زاڭدى كۇشىنە ەنەدى.
