اقتوبەدە شابۋىل جاساعان لاڭكەستىڭ باۋىرى ودان پوليسياعا بەرىلۋىن سۇراپ، ۆيدەوۇندەۋ جاسادى، - دەپ حابارلايدى Qamshy.kz Tengrinews.kz - كە سىلتەمە جاساپ.

بۇل اقتوبەدە ىزدەۋدە جۇرگەن التى لاڭكەستىڭ ءبىرى دميتريي تاڭاتاروۆقا ارنالعان ۆيدەوۇندەۋ. 

ۆيدەونى "ودنوكلاسسنيكي" الەۋمەتتىك جەلىسىندە ىزدەۋدە جۇرگەن لاڭكەستىڭ باۋىرى ۆلاديمير تاڭاتاروۆ جۇكتەدى.

"ديما، بارلىعى سەنى ۋايىمداپ جاتىر. تانيا اپكەڭ ۋايىمداپ جاتىر، جۇرەگى اۋىرىپ جاتىر. بارلىعىمىز سەنى جاقسى كورەمىز. سەنى رەنجىتكەن بولساق، كەشىرشى ءبىزدى. ساعان ءارقاشان جاقسىلىق پەن باقىت تىلەدىك. (...) سەن ءۇشىن كوپ ادام قۇدايدان مەدەت سۇراپ وتىر. وتىنەمىن، ءوز ىسىڭە وكىنىپ، بەرىلشى. قارۋدان باس تارت، تاستا. جانىڭداعىلاردىڭ بارلىعىنان قارۋدى تاستاۋىن سۇراشى. بەرىلىڭدەر"، - دەيدى ۆلاديمير تاڭاتاروۆ ۆيدەودا. 

ەستەرىڭىزدە بولسا، 5 ماۋسىمدا اقتوبەدە تەراكت بولعان ەدى، ونىڭ سالدارىنان ونداعان ادام قازا تاپتى. قازاقستاندا تەررورلىق ءقاۋىپتىڭ سارى دەڭگەيى، ال اقتوبەدە قىزىل دەڭگەيى ەنگىزىلدى. شابۋىل جاساعان 13 ادام ءولتىرىلدى، تاعى تورتەۋى جارالاندى، ەندى التى ادام ىزدەۋدە ءجۇر.