ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى ءدىنتانۋ كافەدراسىنىڭ پروفەسسورى، تاريح عىلىمدارىنىڭ دوكتورى اسىلبەك ءىزبايىروۆ اقتوبە وبلىسىندا لاڭكەستىكتىڭ الدىن الۋ، تەرىس اعىمدارمەن كۇرەس جۇرگىزۋ ءۇشىن وسىعان دەيىن قىرۋار قارجى ءبولىنىپ كەلگەنىن ايتىپ وتىر، - دەپ حابارلايدى Qamshy.kz.
ءدىنتانۋشىنىڭ ايتۋىنشا، اقتوبەدە بۇعان دەيىن ءدىني ەكسترەميزم مەن تەرروريزمنىڭ الدىن الۋ جونىندەگى ورتالىق، اكىمدىك جانىندا ءدىني قاتىناستار تۋرالى ءبولىم دە بولعان كورىنەدى.
«ءدىني ەكسترەميزمنىڭ الدىن-الۋعا ۇلكەن قاراجات بولىنگەن. ناتيجەسىندە بارلىق قاراجات ءتيىستى جەرگە جۇمسالماعانىن، بىرەۋلەردىڭ قالتاسىندا قالعانىن كورىپ وتىرمىز. بۇل ءىستى جان-جاقتى تالداۋ، اسىرەسە، قارجىلىق تەرگەۋ جۇرگىزۋ كەرەك. سوندا بارلىعى ءوز ورنىنا كەلەدى. ايتپەسە وسى ورتالىقتار دا باتىلدىق تانىتىپ، وزدەرىنىڭ دۇرىس جۇمىس ىستەمەگەندەرىن مويىنداۋلارى كەرەك. مەن مۇنداي جاعداي ءبىرىنشى رەت ورىن الىپ جاتسا تۇسىنەر ەدىم، ال، بۇل ايماق ەرەكشە نازاردا بولدى ەمەس پە؟»، - دەپ جازادى عالىم.
ءدىنتانۋشى وڭىردە جەرگىلىكتى يمامداردىڭ وڭ باستامالارى دا اياقسىز قالعانىن العا تارتا كەلىپ، وسى كۇنگە دەيىن بولىنگەن قاراجات پەن اتقارىلعان جۇمىسقا تەكسەرۋ جاساۋدى ۇسىنادى.
