ءقازىر اقتوبەدە بوي تاسالاپ جۇرگەن لاڭكەستەردى ۇستاۋ جونىندەگى وپەراسيا وتۋدە، - دەپ حابارلايدى Qamshy.kz ۇقك سايتىنا سىلتەمە جاساپ.

«ق ر لاڭكەستىككە قارسى ورتالىعى اعىمداعى جىلدىڭ 10 ماۋسىمىندا اقتوبە وبلىستىق لاڭكەستىكپەن كۇرەس جەدەل شتابى اقتوبە قالاسىنداعى لاڭكەستىك ارەكەتكە قاتىسى بار تۇلعالاردى ۇستاۋ بويىنشا وپەراسيا ءجۇرىپ جاتقانىن حابارلايدى.

بەرىلۋ تۋرالى ۇسىنىسقا لاڭكەستەر قارۋلى قارسىلىقپەن جاۋاپ قاتتى. شارا جالعاسۋدا، ناتيجەلەرى قوسىمشا حابارلاناتىن بولادى»، - دەلىنگەن ۇقك حابارلاماسىندا.

كۇدىكتىلەردى ۇستاۋ وپەراسياسى كەشە تۇندە باستالعان. ارنايى وپەراسيانىڭ ءوتىپ جاتقان ورنى تۋرالى رەسمي اقپارات جوق. الايدا، كۋاگەرلەر قالاداعى «ءۇمىت» بالالار ءۇيىنىڭ بوس تۇرعان عيماراتى ماڭىندا ارنايى جاساقتاردىڭ جۇرگەنىن ۆيدەوعا ءتۇسىرىپ، جەلىگە جاريالادى.

ەستەرىڭىزگە سالساق، 5 ماۋسىم كۇنى اقتوبە قالاسىندا بولعان تەراكتتان جەتى ادام قازا تاۋىپ، 38 ادام جاراقات العان بولاتىن. پوليسيا 6 كۇدىكتىنىڭ جاسىرىنىپ جۇرگەنىن حابارلادى.  

كەشە رەسپۋبليكا بويىنشا تەراكت قۇرباندارىن ازا تۇتۋ كۇنى ءوتتى.