استانا قالاسىنداعى جاڭبىر سۋىن رەتتەۋگە ارنالعان سۋاعارلار ماسەلەسى جاقىن ارادا شەشىلمەيدى، - دەپ حابارلايدى Qamshy.kz كتك ارناسىنا سىلتەمە جاساپ.

استانا ۆەنەسيانىڭ كۇيىن كەشە بەرمەك! سەبەبى باس قالانى جاڭبىردان كەيىن كولگە اينالدىرماس ءۇشىن ءالى 2 جارىم جىل كەرەك ەكەن.

ويتكەنى، سۋ اعاتىن ارىق ماسەلەسى 2019 جىلعا قاراي شەشىلەدى. وڭ جاعالاۋعا قاراعاندا، سول جاعالاۋدىڭ باستى كوشەلەرىنە جىل سوڭىنا دەيىن سۋدى بۇرىپ اكەتەتىن ارىقتار مەن ارنالار سالىنباق. ال تۇيتكىل تولىق شەشىلگەنشە، استانالىقتار جاڭبىر سۋىن كەشىپ جۇرۋگە ءماجبۇر. ءتىپتى پرەزيدەنت «ەكسپو-عا» كەلەتىن قوناقتاردى قايىقپەن تاسۋعا تۋرا كەلەتىن شىعار دەپ استانا اكىمى مەن ونىڭ ورىنباسارى حوروشۋندى سىناعانى ەستە. جۇرتتى مەزى قىلعان تاعى ءبىر ماسەلە – شاھاردا پاركينگ جەتىسپەيدى. اسىرەسە، كوپقاباتتى ۇيلەردىڭ اۋلالارىندا كولىك تۇراعى تاپشى.

سەرگەي حوروشۋن، استانا قالاسى اكىمىنىڭ ورىنباسارى:

-اسىرەسە، وڭ جاعالاۋداعى جاعداي قيىن. قالانىڭ ەسكى اۋداندارىنداعى ۇيلەر 20-30 جىل بۇرىن سالىنعانىن ەسكەرىپ، تولىق تەكسەرىپ شىقتىق. قالانىڭ باس جوسپارى بويىنشا پاركينگ سالۋ ءۇىشن شاعىن اۋدانداردان 128 ورىندى بەلگىلەپ قويدىق.