اقتوبە قالاسىنداعى ماسكەۋ اۋدانىندا اتىس بولۋدا. وقيعانىڭ ۆيدەوسىن اۋدان تۇرعىنى عالامتتورعا جاريالاعان. بۇل تۋرالى Qamshy.kz حابارلايدى.
جەكە تۇرعىن ۇيلەردەن تۇراتىن ماسكەۋ اۋدانى قالانىڭ ەسكى بولىگىندە ورنالاسقان. اۋدان تولىقتاي قورشاۋعا الىنعان.
سونىمەن قاتار، قالانىڭ 5 ماۋسىمدا تەراكت بولعان اۋداندارىندا دا قاۋىپسىزدىك شارالارى كۇشەيتىلگەن.
ۇقك باسپا ءسوز قىزمەتىندەگىلەر جاقىن ارادا لاڭكەستىككە قارسى جەدەل شتابتىڭ حابارلاماسى تارايتىنىن، ءقازىر ول حابارلاما دايىندالىپ جاتقانىن جەتكىزدى.
بۇگىن تۇندە لاڭكەستەردىڭ جاسىرىنعان جەرى انىقتالىپ، ارنايى وپەراسيا باستالعان بولاتىن.
بۇعان دەيىن ىزدەۋدە جۇرگەن التى كۇدىكتىنىڭ جۇرگەن ورنى تۋرالى مالىمەت بەرگەن ادامعا 5 ميلليون تەڭگە سىياقى دا تاعايىندالعان ەدى.
