اقتوبەدەگى لاڭكەستىك وقيعاعا قاتىسى بار دەگەن كۇدىكتى باقىت قۋانىشبايەۆتىڭ اناسى بالاسىنىڭ قىلمىسكەر ەكەنىنە سەنبەيدى. ءبىراق، شىنىمەن وسى لاڭكەستىككە كىنالى بولسا، ەڭ قاتال جازاعا تارتۋدى سۇرايدى، - دەپ حابارلايدى Qamshy.kz «قازاقستان» ارناسىنا سىلتەمە جاساپ.
بەيبىت ءومىردىڭ بەرەكەسىن قاشىرماق بولعان لاڭكەستەر دەگەنىنە جەتە المادى. اقتوبەدەگى قايعىلى وقيعا قازاقستان حالقىن بىرىكتىرە ءتۇستى. كەشە تۇتاس ەل بولىپ، قارانيەتتىلەر قولىنان قازا تاپقان 7 ازاماتتى ەسكە الىپ، ازا تۇتتى.
ال، لاڭكەستىك ارەكەتتەرگە قاتىسى بار دەپ ىزدەۋ جاريالانعان التى كۇدىكتىنىڭ ءبىرى باقىت قۋانىشبايەۆتىڭ اناسى بالاسىنا زارىن ايتتى. گۇلسىم قۋانىشبايەۆا ونىڭ ءوز ەركىمەن بەرىلىپ، قولىمەن ىستەگەن قىلمىسى بولسا، موينىمەن كوتەرۋدى سۇرادى.
