استاناداعى مينيسترلىكتەر ءۇيىنىڭ قونايەۆ كوشەسى بويىنداعى اركاسى ماڭايىندا جول تالعامايتىن كولىك يەسى ۆەلوسيپەدشىنى قاعىپ كەتتى، - دەپ حابارلايدى Qamshy.kz Baq.kz-كە سىلتەمە جاساپ.
ۆەلوسيپەد «Astana Bike» جالعا الۋ ورنىنان الىندى. ونى مىنگەن ادام اياقتان جاراقات الىپ، مۇرنىن قاناتقان.اتالعان جول-كولىك وقيعاسىندا كىمنىڭ كىنالى ەكەنى بەلگىسىز. ۆەلوسيپەد مىنگەن ازامات كوممەنتاريي بەرۋدەن باس تارتتى.
ايتا كەتەيىك، استانادا ۆەلوسيپەدتەردى جالعا بەرۋ باستاماسىن ەنگىزگەن كەزدە ارنايى ۆەلوجولاقتار ماسەلەسى كوتەرىلگەن بولاتىن. الايدا ەلوردانىڭ ساۋلەت-قۇرىلىس جوسپارىندا ونداي جولاقتار قاراستىرىلماعان. وسىنىڭ سالدارىنان ۆەلوسيپەدشىلەر كولىك جۇرەتىن جولدارمەن جۇرۋگە ءماجبۇر. ناتيجەسىندە بۇگىنگىدەي جول-كولىك اپاتتارى بولادى.
