وڭتۇستىك حالقى جەردىڭ ساتىلۋىنا قارسى ەكەنىن اقىرى ەشبىر جۋرناليست جازبادى...
كەشە شىمكەنت قالاسىنداعى «ازيا» قوناق ءۇيىنىڭ كونفەرەنس-زالىندا ءبىر پارلامەنتتىك پارتيانىڭ جەرگىلىكتى بولىمشەسى جەر تۋرالى دوڭگەلەك ۇستەل وتكىزدى.
قاتىسۋشىلاردان شارۋا ءپىرمات، جانىسبەك وتەگەن، جارقىنبەك سەيتىمبەت، جاڭابەك ابىشيەۆ، ءومىرزاق اقجىگىتتى تانىدىم. باسقالارىن تانىمادىم.
وسى ازاماتتاردىڭ ءبارى سويلەپ تەگىس سويلەپ، جەردىڭ ساتىلۋىنا قارسى ەكەندىكتەرىن ءبىلدىردى.
وزبەكستاننان ورالعان اعايىنداردان بولسا كەرەك، ءبىر ازامات «جەردى قىتايعا جالعا بەرگەنشە، ءتۇبى ءبىر وزبەكستاندىقتارعا جالعا بەرۋ كەرەك»، - دەدى.
ءسوز رەتى كەلگەندە مەنىڭ ايتقانىم مىناۋ بولدى.
1. «اساپ تويماعان، جالاپ تويمايدى» دەگەن ءسوز بار. جەراستى بايلىقتارىن ساتىپ بايىماعاندا، جەردى ساتىپ بايىمايتىنىمىزدى ءبارىڭىز ءبىلىپ وتىرسىزدار.
2. ءبارىمىزدىڭ كوكسەگەنىمىز تۇراقتىلىق! كەزىندە كولحوز-سوۆحوز ىدىراعاندا پايعا العان جەرىنەن بىرەۋ اڭقاۋلىقتان، بىرەۋ جالقاۋلىقتان ايىرىلىپ قالدى. ەندى سول ازاماتتاردىڭ بالالارى ءوستى. ولاردىڭ كوپشىلىگى اۋىلدان دا، قالادان دا ورىن تاپپاي ءجۇر. مىنا جەردە وتىرعاندارىڭىزدىڭ بارلىعىڭىزدىڭ قارنىڭىز توق، كويلەگىنڭىز كوك. ال اناۋ جاستاردىڭ جاعدايىن كىم ويلاپ جاتىر؟ ەرتەڭ سىزدەرگە تۇراقسىزدىقتى سول جاستار جاساپ بەرەدى دەپ ويلامايسىزدار ما؟
3. تاۋ باۋرايلارىنداعى وزەندەردىڭ جاعالاۋلارىنىڭ ءبارىن بىرەۋلەر قورشاپ قويعان. ءتىپتى دەمالماق تۇگىلى، جاقىنداپ سۋ الۋ مۇمكىن ەمەس.
- ونى كىمدەر قورشاعان؟
- زاڭ ورىندارى قايدا قاراپ وتىر؟
- زاڭدا كورسەتىلگەن «ۆودووحراننايا زونا» دەگەن قايدا قالدى؟
جيىننىڭ ماتەريالى مۇمكىن قازەكەڭدە بار شىعار؟ جەرگىلىكتى بىرنەشە جۋرناليست سول زالدا وتىر ەدى. ولار دا ءۇنسىز. اسەكەڭ – اسەت ءاسساندي ول تۋرالى ەشتەڭە جازبادى ما؟
ءومىر شىنىبەك ۇلىنىڭ فەيسبۋكتەگى پاراقشاسىنان الىندى
