كوكشەتاۋدا وڭالتۋ ورتالىعىنان قاشىپ كەتكەن جاسوسپىرىمدەر بۇگىن ساعات 12:00 شاماسىندا «كوكشەتاۋ - پەتروپاۆل» تاس جولىندا الەكسەيەۆكا اۋىلىنا بار جاتقان جەرىندە ۇستالدى، - دەپ حابارلايدى Qamshy.kz وبلىستىق ءىىد باسپا ءسوز قىزمەتىنە سىلتەمە جاساپ.

جاسوپىرىمدەردى تۇرعىنداردىڭ ءبىرى جولدا بايقاپ قالىپ، دەرەۋ پوليسياعا حابارلاعان. اتالعان اقپارات بويىنشا بارعان وبلىستىق ءىىد كريمينالدى پوليسيا باسقارماسى جانە كوكشەتاۋ قالالىق ءىىب كريمينالدى ءبولىمىنىڭ قىزمەتكەرلەرى جاسوپىرىمدەردى ۇستادى.

ەسكە سالا كەتەيىك، 27 ماۋسىم كۇنى كەشكى 21:15  شاماسىندا كوكشەتاۋ قالالىق ءىىب جبو «جاسوسپىرىمدەردى وڭالتۋ ورتالىعى» مم ديرەكتورىنىڭ ورىنباسارى حابارلاسىپ، سول كۇنى ساعات 18:00 ورتالىق اۋماعىندا سەرۋەندەپ جۇرگەن 2001 جىلعى دياس كاكىموۆ، 2001 جىلعى ۆلاديمير سوبوليەۆسكيي جانە 2002 جىلعى دەنيس اسپيلەيدەردىڭ بەلگىسىز جاققا كەتىپ قالعانىن ايتقان بولاتىن.

كەيىن بەلگىلى بولعانداي دياس كاكىموۆ، ۆلاديمير سوبوليەۆسكيي جاسوسپىرىمدەر ءىسى بويىنشا اقمولا وبلىستىق يۋۆەنالدى سوتىنىڭ شەشىمى زاڭدى كۇشىنە ەنگەنشە ورتالىقتا ۋاقىتشا بولعان ەكەن. ال دەنيس اسپيلەيدەردىڭ اناسى اتا-انا قۇقىنان ايىرىلعان، سول سەبەپتى ول  اتالعان سوتتىڭ شەشىمىنە سايكەس بالالار ۇيىنە جىبەرىلگەنشە ورتالىقتى پانالاعان.