وڭتۇستىك قازاقستان وبلىسى، ورداباسى اۋدانىنا قاراستى امانگەلدى كەنتىندە مۇحاممەد ەسىمدى بالاقايدى ۇرلاپ كەتكەن ەگدە جاستاعى ايەل مامىلەگە 50 مىڭ تەڭگە بەرىپ قۇتىلعىسى كەلەدى، - دەپ حابارلايدى Qamshy.kz TVK ارناسىنا سىلتەمە جاساپ.
بالانىڭ اكەسىنىڭ ايتۋىنشا، كۇدىكتى الماتى مەن شىمكەنت قالالارىنداعى پسيحولوگيالىق ەمدەۋ ورتالىقتارىندا ەم الىپ جۇرگەن كورىنەدى.
وتكەن كۇنى مۇحاممەدتىڭ ۇيىنە ءوزىن ۇرلاپ اكەتكەن انانىڭ جاقىندارى كەلگەن. ولار ءوز ارا تۇسىنىستىككە كەلۋ ءۇشىن جابىرلەنۋشى تاراپقا 50 مىڭ تەڭگە ۇسىنعان. بالانىڭ اتا-اناسى ولار ۇسىنعان اقشانى الۋدان باس تارتقان. ولار بالانى ۇرلاپ اكەتكەن ايەلگە كەشىرىم بەرگىسى كەلمەيدى.
كەشىرىم سۇراپ كەلۋشىلەردى شىعارىپ سالعان ءۇي يەلەرى ولاردىڭ داستارحان استىنا اقشا قويىپ كەتكەنىن كورگەن. مۇحاممەدتىڭ اكەسى قايتادان وسى ىسكە بايلانىستى پروكۋراتۋرا مەن پوليسيا قىزمەتكەرلەرىن ۇيىنە شاقىرتقان. بالا ۇرلاعان ايەلگە قاتىستى سوت الدى تەرگەۋ جۇمىستارى ءالى جالعاسىپ جاتىر.
