قاراعاندى وبلىسىنداعى گۇلشات ەلدى مەكەنىندە بولعان وقيعانىڭ شۋى دا ءالى باسىلعان جوق، - دەپ حابارلايدى Qamshy.kz 31-ارناعا سىلتەمە جاساپ.

لاڭكەستىك شابۋىلدان سوڭ جاقىن ماڭداعى اۋىل - ايماقتارداعى  كۇدىك تۋدىرعان  ازاماتتار  جاپپاي ۇستالىپ جاتىر. كۋاگەرلەردىڭ ايتۋىنشا، ءقازىر بارلىعى سۇراقتىڭ استىنا الىندى. سونداي-اق، بالقاش قالالىق سوتى وبلىستا تەراكت جاساماق بولعان دەگەن بەس كۇدىكتىنى ەكى ايعا  قاماۋعا الۋ تۋرالى بۇگىن  شەشىم شىعاردى.

سونداي-اق، كۋالەر قۇقىق قورعاۋشىلاردىڭ اسىرەسە وقيعا بولعان جەردى تورۋىلداپ جۇرگەنىن ايتادى. سوزدەرىنشە، شابۋىلدىڭ ءوزى بالقاش ستانساسىنداعى جەكە سەكتورداعى ۇيلەردىڭ بىرىندە بولعان. ال تەرروريستىك اكتىنى دايىندادى دەگەن سودىرلاردىڭ ءبىرى ءوز ۇيىنەن ۇستالىپتى. ەسكە سالا كەتەيىك، گۇلشات ەلدىمەكەنىندە 26 ماۋسىم كۇنى لاڭكەستىك ارەكەت بارىسىندا ءبىر ازامات ءوزىن-وزى جارىپ جىبەرگەن ەدى. ال ارنايى وپەراسيا كەزىندە سالافيزم اعىمىن ۇستانۋشى التى ازامات ۇستالعانىن،  ەلىمىزدىڭ ۇلتتىق قاۋىپسىزدىك كوميتەتى رەسمي تۇردە جاريالادى. ولاردىڭ بارلىعى جەرگىلىكتى تۇرعىندار.